Siońnia ŭ Milanie pravaabarončaja asacyjacyja «Siabry dziaciej» praviała pieršyja publičnyja debaty, pryśviečanyja losu Viki Maroz dy inšych biełaruskich sirotaŭ, jakim, pavodle ŭdzielnikaŭ imprezy, admoŭlena ŭ pravie na siamju.
Siońnia ŭ Milanie pravaabarončaja asacyjacyja «Siabry dziaciej» praviała pieršyja publičnyja debaty, pryśviečanyja losu Viki Maroz dy inšych biełaruskich sirotaŭ, jakim, pavodle ŭdzielnikaŭ imprezy, admoŭlena ŭ pravie na siamju. U ramkach debataŭ adbyłasia prezentacyja knihi «Maryja i dzieci razładu. Vypadak u Kahaleta».
U siońniašnich debatach u Milanie ŭziali ŭdzieł pradstaŭniki šyrokich kołaŭ italjanskaj hramadzkaści — jurysty, universyteckija vykładčyki, psycholahi, žurnalisty, siemji, jakija dahetul štohodu prymali ŭ siabie doma biełaruskich dziaciej‑sirot.
Usie jany zhodnyja: dramatyčnaja historyja Viki Maroz, pra jakuju apaviadajuć aŭtary novaj knihi, nie adzinkavaja, hałoŭnym na siońnia pytańniem jość nastupnaje: «Što treba zrabić, kab hetyja niaščasnyja dzieci‑siroty nie źjaŭlalisia nadalej padstavaj dla miždziaržaŭnaha razładu?»
U časie imprezy pradstaŭniki italjanskich siemjaŭ vykazali zaniepakojenaść, što biełaruskija siroty ŭ vyniku rašeńnia ŭładaŭ znoŭ nie pryjeduć — ciapier užo na vielikodnyja vakacyi.
«My ŭsie niekalki miesiacaŭ šmat havaryli pra biełaruskuju dziaŭčynku, adnak realna tak ničoha i nie zrabili, — zajaviŭ prezydent asacyjacyi «Siabry dziaciej» Marka Hrafini. — Siońniašnimi debatami my chočam pryciahnuć uvahu da parušeńnia prava biełaruskich sirot žyć u siamji».
Tym časam Hienueski sud u spravach niepaŭnaletnich na atrymanaje ad biełaruskaj ambasady ŭ Rymie daručeńnie — pravieści daśledavańnie italjanskich pakazańniaŭ Viki Maroz — adreahavaŭ słovami «Heta varta ŭvahi». Pra heta piša italjanskaja «Republika».
Raniej pieradavali, što śćviardžeńni biełaruskaj dziaŭčynki pra hvałt nad joj na radzimie jana zrabiła nibyta pavodle padkazki siamji Džusta — Barnačyn, kab zastacca ŭ ich u Italii.
Pamierła palitźniavolenaja Alena Pankova. Paŭhoda nazad jaje asudzili za ŭdzieł u pratestach7
Kamientary