U katalikoŭ pačynajecca peryjad Vialikaha Postu. U pravasłaŭnych post pačaŭsia raniej. Ale Vialikdzień sioleta budziem śviatkavać razam — 8 krasavika.
Papialcovaja sierada (Papialec), jakaja prypadaje ŭ hetym hodzie na 21 lutaha, pačynaje ŭ Katalickim Kaściole čas Vialikaha Postu. Post praciahvajecca da Vialikadnia, jaki sioleta kataliki i pravasłaŭnyja buduć adznačać razam — 8 krasavika. Vialiki post u Kaściole doŭžycca sorak dzion.
«Ličba «40» aznačaje ŭ Śviatym Pisanni vyraz cełasnasci i praciahłasci, čas, pryznačany čałavieku abo Bohu na niejkaje dziejańnie, metaj jakoha źjaŭlajecca zbaŭleńnie, — patłumačyŭ «Źviaździe» ksionz Alaksandr Amialčenia, adkazny za SMI pry Sakrataryjacie Kanfierencyi Katalickich Biskupaŭ u Biełarusi. — Padčas Vialikaha Postu kataliki ŭzhadvajuć i pa‑novamu pieražyvajuć sorak dzion, jakija Jezus pravioŭ u pustyni ŭ poście i malitvie. Dni Vialikaha Postu — heta čas duchoŭnych praktykavańniaŭ, pakutnaj liturhii, pakutnych pałomnictvaŭ, dobraachvotnych vyračeńniaŭ, dabračynnasci, postu i miłasciny. Z liturhii znikaje radasny zaklik «Alleluja», śviatary apranajuć liturhičnuju vopratku fijaletavaha koleru. Hałoŭnym stanovicca padrychtoŭka viernikaŭ da najvialikšaha chryscijanskaha śviata, jakim źjaŭlajecca Vialikdzień. U pieršyja viaki chryscijanstva padrychtoŭka da ŭračystasci Uvaskresieńnia doŭžyłasia tolki sorak hadzin. Paźniej — tydzień, tolki ŭ V stahoddzi hety čas raściahnuŭsia na sorak dzion.
U Papialcovuju Sieradu va ŭsich katalickich chramach adbyvajecca abrad pasypańnia hałoŭ viernikaŭ popiełam. Śviatar, ździajśniajučy hety abrad, pramaŭlaje: «Pamiataj, ty prach i pracham stanieš» abo «Naviartajciesia i viercie ŭ Jevanhielle».
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym4
Kamientary