Ale pieradačy dla chłopca pa-raniejšamu nie prymajuć.
Pra heta svajakam moładzievaha aktyvista pryvatna paviedamili supracoŭniki homielskaha SIZA. Pavodle ich słovaŭ, jany nibyta čakajuć instrukcyjaŭ ź Miensku i biaź ich ničoha rabić nia buduć.
Pa‑raniejšamu pieradačy dla aryštavanaha nie prymajuć. Pa čutkach, supracoŭniki milicyi źniali chłopca ź ciahnika ŭ lohkaj vopratcy. Viciebski pravaabaronca Leanid Śviecik kaža, što zakon nie zabaraniaje atrymańnie pieradačy aryštavanym u vypadku, kali jon rychtujecca da tranzytu. Uvohule, hety momant prapisany nia vielmi padrabiazna, što dazvalaje traktavać jaho dosyć advolna. «My pieradavali pieradačy Paŭłu Krasoŭskamu i nia mieli z hetym nijakich prablemaŭ, a tut, vierajemna, jość peŭnaja ŭstanoŭka ź Miensku». Siońnia rat Dzianisava musiŭ zaklučyć damovu z advakatam.
Siabry i znajomyja nieadnaznačna staviacca da jaho zatrymańnia 16 lutaha ŭ Homieli. Chtości navat vinavacić chłopca ŭ niedastatkovaj pilnaści, maŭlaŭ, niezrazumieła čamu tak parušyŭ kanśpiracyju. Na internet‑forumach vykazvajecca mierkavańnie, što Dzianisaŭ aryštavany pavodle pakazańniaŭ kahości z byłych paplečnikaŭ – nibyta jaho nazvali arhanizataram viciebskich padziejaŭ 17 červienia.
Kamientary