Čyrvony Kryž pravodzić zbor ciopłych rečaŭ i abutku dla biazdomnych
Pra heta paviedamiła staršynia Minskaj haradskoj arhanizacyi Biełaruskaha tavarystva Čyrvonaha Kryža (BTČK) Alena Fadziejeva.
Va ŭsich rehijonach rajonnyja i haradskija adździaleńni Čyrvonaha Kryža źbirajuć u nasielnictva ciopłyja rečy i abutak, a taksama zakuplajuć za svaje srodki šapki, šaliki i škarpetki dla tych, chto ŭ hetyja mocnyja marazy nie maje dachu nad hałavoj. Adrasy i telefony adździaleńniaŭ BTČK možna znajści na sajcie redcross.by. U Minsku rečy prymajuć va ŭsich rajonnych arhanizacyjach Čyrvonaha Kryža, a taksama ŭ domie načnoha znachodžańnia dla asob biez peŭnaha miesca žycharstva ŭ Dražni (vuł. Vaŭpšasava, 42).
Ź siońniašniaha dnia, paviedamiła Fadziejeva, arhanizavana haračaje charčavańnie ŭ domie načnoha znachodžańnia. Hetaja ŭstanova moža pryniać 92 čałavieka. «Mienavita na hetuju kolkaść my viaziem siońnia tudy ježy. Zaŭtra płanujem pryvieźci ciopłyja koŭdry», — skazała staršynia Minskaj HA BTČK.
U Viciebskaj i Homielskaj abłaściach stvarajuć punkty abahravańnia na vulicach.
Pavodle słoŭ Fadziejevaj, akcyja budzie doŭžycca hety tydzień, pakul prahnazujuć mocnyja marazy.
-
Što viadoma pra źniavolenych u Biełarusi hramadzian Ukrainy, jakija siońnia niečakana zdabyli volu?
-
Łukašenka nie pavieryŭ Ryžankovu. Piatkievič vyhladaje procivahaj Krutomu. A Kruty — vialikaja zahadka
-
«Ukraina Biełarusi nie pahražaje, my vymušanyja abaraniacca». Ukrainskaja pamiežnaja słužba adkazała biełaruskaj
Kamientary