Abarona Uładzisłava Kavalova rychtuje zaŭvahi na pratakoł suda
Adzin z asudžanych na śmiarotnaje pakarańnie pa spravie ab terakcie ŭ minskim mietro Uładzisłaŭ Kavaloŭ i jahony advakat skončyli znajomicca z pratakołami sudovaha pasiedžańnia.
Pra heta paviedamiŭ žurnalistam namieśnik staršyni Viarchoŭnaha suda Biełarusi Valeryj Kalinkovič. Jon nie vyklučaje, što Kavaloŭ i jaho abarona mohuć pradstavić dadatkovuju arhumientacyju, i heta zojmie peŭny čas. Jon nie paviedamiŭ pra terminy razhladu nahladnaj skarhi Kavalova.
Maci Uładzisłava Kavalova, spadarynia Luboŭ, paviedamiła, što
abarona rychtuje nahladnuju skarhu i zaŭvahi na pratakoł.Taksama jana skazała, što dasłała skarhu ŭ prakuraturu, kab dali kankretny adkaz nakont jaje davieranaściaŭ.
«Jany mianie futbolać ź Viarchoŭnaha suda ŭ prakuraturu, prakuratura ŭ KDB, a KDB znoŭ mianie nakiroŭvaje ŭ prakuraturu. Ja ŭžo dva miesiacy nie mahu vyśvietlić, dzie zhubilisia maje skarhi na toje, što dźvie daviernaści, napisanyja synam na viadzieńnie jaho spraŭ, niedzie zhubilisia ŭ sudzie».
Jana raspaviała, što 23 studzienia nie zmahła sustrecca z synam
U svaim prašeńni na imia kiraŭnika krainy Uład paprasiŭ jaho pamiłavać i źniać ź jaho kryminalnuju adkaznaść.
31 studzienia Luboŭ Kavalova atrymała list ad syna. Uład spadziajecca na sustreču ŭ lutym, cikavicca jaje pajezdkaj u Strasburh.
«Mamula, pryviet tabie vialiki, lublu ciabie mocna i abdymaju. Dziakuj usim za padtrymku. Pakul vy sa mnoj, mianie na mnoha chopić. Pišycie čaściej, ja taksama pastarajusia».
-
Što viadoma pra źniavolenych u Biełarusi hramadzian Ukrainy, jakija siońnia niečakana zdabyli volu?
-
Łukašenka nie pavieryŭ Ryžankovu. Piatkievič vyhladaje procivahaj Krutomu. A Kruty — vialikaja zahadka
-
«Ukraina Biełarusi nie pahražaje, my vymušanyja abaraniacca». Ukrainskaja pamiežnaja słužba adkazała biełaruskaj
Kamientary