U hałoŭnym upraŭleńni pa baraćbie z ekanamičnymi złačynstvami MUS Biełarusi składzieny «fotarobat» siaredniaha falšyvamanietčyka.
Jak paviedamili ŭ HUBEZ MUS,
60% vytvorcaŭ hrošaj — ludzi va ŭzroście ad 18 da 29 hadoŭ. Charakterna, što asoby 17–19 hadoŭ i maładziej zajmajucca padrobkaj mienavita biełaruskich hrašovych znakaŭ.Pieravažnaja bolšaść falšyvamanietčykaŭ — mužčyny. Tolki 9% takich złačynstvaŭ učyniajuć žančyny, pryčym ich kryminalny ŭdzieł vyražajecca ŭ asnoŭnym u zbycie padrobak.
Što da rodu dziejnaści, to bolš za pałovu falšyvamanietčykaŭ nidzie nie pracujuć i nie vučacca i tolki 6% złačyncaŭ źjaŭlajucca pradprymalnikami abo słužačymi. Ludzi asacyjalnych pavodzinaŭ, jakija chvarejuć na narkamaniju abo ałkahalizm, składajuć 12% ad usich falšyvamanietčykaŭ. Kali pravaparušalnikami źjaŭlajucca niepaŭnaletnija, to heta, jak praviła, vučni ahulnaadukacyjnych škoł abo navučency prafiesijnych licejaŭ.
Amal pałova złačynstvaŭ učyniena ŭ składzie hrupy asob. A čverć złačyncaŭ raniej užo byli asudžany za złačynstvy suprać ułasnaści (kradziažy, rabavańni, razboi).
Kožny dziasiaty falšyvamanietčyk źjaŭlajecca hramadzianinam inšaj krainy. U śniežni 2011 hoda da siami i troch hadoŭ pazbaŭleńnia voli byli pryhavorany dvoje hramadzian Rasii, jakija zbyvali ŭ Biełarusi padroblenyja rasijskija rubli. Siudy jany pryvieźli bolš za miljon falšyvych rubloŭ RF, praŭda, realizavać paśpieli nievialikuju častku hetaj sumy. Hramadzianie Rasii padali kasacyjnuju skarhu.
Biełaruskaja błohierka pakazała, jaki žach moža adbyvacca z vusnami, kali chočaš ich pavialičyć — a potym pamienšyć7
Kamientary