Maci Uładzisłava Kavalova źviarnułasia ŭ Kanstytucyjny sud
Maci pryhavoranaha da śmiarotnaj kary za saŭdzieł u teraryźmie Uładzisłava Kavalova źviarnułasia ŭ Kanstytucyjny sud Biełarusi.
Jak paviedamiła Luboŭ Kavalova, 1 lutaha jana padała zajavu ŭ Kanstytucyjny sud z tym, kab jon daŭ zaklučeńnie ab pryznańni biełaruskaha
Taksama 1 lutaha Luboŭ Kavalova padała skarhu ŭ Hienieralnuju prakuraturu Biełarusi. Hety dakumient tyčycca źniknieńnia ŭ SIZA KDB užo dvuch davieranaściaŭ, padrychtavanych synam i jaho advakatam, z dapamohaj jakich maci mahła b źviartacca ŭ mižnarodnyja instancyi. Pieršaja davieranaść była padrychtavana ŭ śniežni 2011 hoda, druhaja — u studzieni 2012 hoda.
Luboŭ Kavalova taksama paviedamiła, što syn i jaho advakat zakončyli aznajamleńnie z pratakołami sudovych pasiadžeńniaŭ i majuć namier padrychtavać da ich zaŭvahi.
Apošni list ad Uładzisłava Luboŭ Kavalova atrymała 30 studzienia. «List aptymistyčny», — skazała jana. Dahetul listoŭ nie było bolš jak try tydni, ale takuju zatrymku sam asudžany na śmiarotnuju karu tłumačyŭ pracaj pa vyvučeńni sudovych pratakołaŭ.
Kamientary