Staršynia moładzievaj frakcyi AHP «Maładyja demakraty» paviedamiŭ ab vyłučeńni na pasadu staršyni partyi. Jaho vypuścili z turmy trochi raniej za astatnich: siarod takich byli taksama Rymašeŭski, Paŭłaŭ, Michalevič i Kobiec.
U svaim zvarocie da paplečnikaŭ, apublikavanym u Fejsbuku, Aleh Korban adznačyŭ:
«Uličvajučy situacyju ŭ AHP ź niaźmiennym kiraŭnictvam staroj kamandy, ihnaravańniem ź jaje boku idejnych prapanovaŭ i zaŭvahaŭ inšych siabraŭ partyi, a taksama adsutnaściu paŭnavartaj pracy dziela dasiahnieńniaŭ metaŭ AHP, liču słušnym zarehistravacca kandydatam na vyšejšuju partyjnuju pasadu».
Aleh Korban abiacaje abnaŭleńnie i amaładžeńnie kamandy AHP, prapanuje «Maładym demakratam» pieraniać kiraŭnictva ŭ partyi.
Takim čynam Aleh Korban kidaje vyklik dziejnamu staršyni partyi Anatolu Labiedźku, jaki kiruje Abjadnanaj hramadzianskaj partyjaj ad 2000 hoda.
Źjezd projdzie ŭviesnu.
Aleh Korban naradziŭsia ŭ 1985 h. Pačaŭ zajmacca hramadska-palityčnaj dziejnaściu ŭ 15 hod. Skončyŭ mašynabudaŭničy licej. Potym navučaŭsia ŭ Mižnarodnym humanitarnym ekanamičnym instytucie. U 2007 h. byŭ pakarany štrafam u ramkach kryminalnaj spravy za ŭdzieł u niezarehistravanaj arhanizacyi — «Maładym froncie». Udzielničaŭ u vybarčaj kampanii Jarasłava Ramančuka. Paśla vybaraŭ byŭ aryštavany, prachodziŭ pa spravie «masavych biesparadkaŭ». Jaho vypuścili z turmy trochi raniej za astatnich: siarod takich byli taksama Rymašeŭski, Paŭłaŭ, Michalevič i Kobiec. Michalevič i Kobiec paźniej pryznalisia, što ŭmovaj uzamien za vychad na svabodu była viarboŭka ŭ jakaści sieksotaŭ, i vyjechali za miažu.
U žniŭni 2011 kryminalnaja sprava suprać Korbana była spynienaja. U studzieni 2011 h. jaho abrali staršyniom «Maładych demakrataŭ»
