Urad rekamienduje ŭklučać u kalektyŭnyja damovy pytańni charčavańnia rabotnikaŭ 4

Urad Biełarusi rekamienduje najmalnikam i prafsajuznym arhanizacyjam uklučać u kalektyŭnyja damovy pytańnie stvareńnia ŭmoŭ dla charčavańnia rabotnikaŭ i patańnieńnia jaho koštu. Takoje rašeńnie ŭtrymlivajecca ŭ pastanovie Savieta ministraŭ ad 7 lutaha № 127, paviedamiła pres-słužba ŭrada.

Respublikanskija orhany dziaržaŭnaha kiravańnia i inšyja dziaržaŭnyja arhanizacyi, padparadkavanyja ŭradu, abłvykankamy i Minski harvykankam abaviazany pryniać miery pa stvareńni ŭ 2012 hodzie jurydyčnymi asobami ŭsich form ułasnaści ŭmoŭ dla charčavańnia rabotnikaŭ. Heta moža być zabiaśpiečana z dapamohaj arhanizacyi pracy abjekta hramadskaha charčavańnia abo abstalavańnia pamiaškańnia dla pryjomu ježy, abo dastaŭki charčavańnia pa zakazach rabotnikaŭ i vyjaznoha absłuhoŭvańnia arhanizacyjami, što śpiecyjalizujucca na akazańni takich pasłuh, a taksama prymianieńnia inšych form absłuhoŭvańnia, miarkujuć va ŭradzie.

Ministerstvu pracy i sacyjalnaj abarony sumiesna ź Fiederacyjaj prafsajuzaŭ Biełarusi daručana ažyćciaŭlać pastajanny kantrol za stanam stvoranych jurydyčnymi asobami ŭmoŭ dla charčavańnia rabotnikaŭ. Pra chod i vyniki vykanańnia hetaj pastanovy nieabchodna budzie infarmavać urad.

Jak pakazvaje praktyka, zaznačaje pres-słužba,

zaraz tolki kala treci pradpryjemstvaŭ Biełarusi častkova kampiensujuć rabočym košt charčavańnia.

Mnohija zavodskija stałoŭki patrabujuć kapitalnaha ramontu, zamieny abstalavańnia. Niekatoryja pradpryjemstvy vyrašyli admovicca ad utrymańnia stałovak. Asabliva heta tyčycca budaŭničych arhanizacyj, dzie samastojna charčujucca bolš jak 50% pracaŭnikoŭ.

U suviazi z hetym Minhandal prapanavaŭ unieści ŭ hienieralnaje pahadnieńnie pamiž uradam Biełarusi, respublikanskimi abjadnańniami najmalnikaŭ i prafsajuzami na 2011–2013 hady raździeł pa arhanizacyi charčavańnia rabočych i słužačych pa miescy pracy. «Takoje jurydyčna zamacavanaje pałažeńnie dazvolić na pradpryjemstvach respubliki pavysić sacyjalnuju abaronienaść pracoŭnych kalektyvaŭ», — miarkujuć raspracoŭščyki dakumienta. Heta prapanova atrymała taksama padtrymku z boku prafsajuzaŭ, zaznačaje pres-słužba.

Zaraz vyznačany miechanizmy, jakija nie dazvolać dapuścić rezkaha rostu cen na charčavańnie, havorycca ŭ pres-relizie. U zaležnaści ad kolkaści pracoŭnych i mahčymaściaŭ pradpryjemstva prapanavana zabiaśpiečyć pracu stałoŭki abo abstalavać pakoi pryjomu ježy, dzie abaviazkova ŭstanavić chaładzilnik, SVČ-pieč, nabyć nieabchodny posud, abo pavinna być arhanizavana dastaŭka haračaha charčavańnia z pryciahnieńniem kiejtarynhavych kampanij.

Maryna Nosava, BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH