«Paśla taho, jak žurnalisty zacikavilisia našaj prablemaj, da nas u pałatu stali prychodzić cełyja delehacyi miedykaŭ i techpiersanału, — raspavioŭ "IP" były pacyjent pałaty № 311 nieŭrałahičnaha adździaleńnia Siarhiej Hoŭša. — Nam ačyścili ad lodu i nanoŭ zalapili vokny, dadali ŭ batarei ciepłyni i navat papravili prybiralniu. A na nastupny dzień, paśla taho, jak u nas z pravierkaj pabyvali rabotniki sanstancyi, usich chvorych pieraviali ŭ inšuju pałatu, dzie topiać lepiej ...»
Jak paćvierdziŭ Intex-press hałoŭny dziaržaŭny sanitarny ŭrač h. Baranavičy i Baranavickaha rajona Siarhiej Pleskacevič, 8 lutaha supracoŭniki DU «Baranavicki zanalny centr hihijeny i epidemijałohii» praviali zamiery tempieratury i vilhotnaści pavietra ŭ niekalkich pałatach haradskoj balnicy.
Pa słovach Siarhieja Pleskaceviča, parušeńni sanitarnych pravił byli vyjaŭlenyja tolki ŭ adnoj 311-j pałacie nieŭrałahičnaha adździaleńnia. Pry hetym tempieratura pavietra ŭ pałacie adpaviadała normie — +18 hradusaŭ, a voś uzrovień vilhotnaści pieravyšaŭ dapuščalnyja 60%.
«Ciapier pacyjentaŭ, što znachodzilisia tam, pieramiaścili ŭ inšuju pałatu, a pałata № 311 budzie vykarystoŭvacca tolki paśla daviadzieńnia ŭ joj paramietraŭ mikraklimatu da normy, — raspavioŭ Siarhiej Pleskacevič. — U bližejšy čas supracoŭniki našaha Centra praciahnuć kantralavać situacyju ŭ špitali».
