Hramadski aktyvist z Homiela Uładzimir Niapomniaščych nakiravaŭ u sud pazoŭ suprać Centralnaha rajadździeła ŭnutranych spraŭ, patrabujučy spahnać 9 miljonaŭ rubloŭ kampiensacyi maralnaj škody.
«Suprać mianie supracoŭniki milicyi sfabrykavali administracyjnuju spravu pra drobnaje chulihanstva — nibyta padčas zatrymańnia (7 kastryčnika), kali ja naklejvaŭ ulotki da Narodnaha schodu na praśpiekcie Lenina, ja brydka łajaŭsia. Biez suda mianie źmiaścili ŭ izalatar, dzie ja pravioŭ amal troje sutak. Spryčynilisia da hetaj spravy troje: apieratyŭny supracoŭnik, učastkovy i namieśnik načalnika milicyi. Tamu ja i spahaniaju takuju sumu — pa adnym miljonie za maje sutki ŭ izalatary z kožnaha supracoŭnika», — kaža Niapomniaščy.
Uładzimira Niapomniaščych zatrymali 7 kastryčnika. Suprać jaho skłali pratakoł za parušeńnie paradku arhanizacyi i praviadzieńnia masavych mierapryjemstvaŭ i praz sud pakarali štrafam. Rasklejku nalepak spadar Niapomniaščych nie admaŭlaŭ i sa štrafam pahadziŭsia.
U toj ža dzień u sudzie Uładzimir daviedaŭsia, što isnuje jašče adzin pratakoł — pra drobnaje chulihanstva, składzieny na padstavie rapartu majora Amielčanki. Aktyvista aštrafavali druhi raz — na 105 tysiač rubloŭ.
Čarhovaje pakarańnie Uładzimir asprečyŭ. Adbyŭsia novy razhlad spravy. U sudzie supracoŭnik Centralnaha RAUS major Amielčanka, jaki napisaŭ rapart suprać aktyvista, błytaŭsia ŭ pakazańniach i ćvierdziŭ standartnaje abvinavačvańnie: Niapomniaščych nibyta pry zatrymańni razmachvaŭ rukami i brydka łajaŭsia. Nichto inšy, aprača Amielčanki, hetuju łajanku nie čuŭ — ni milicejski kiroŭca, ni ekśpiert, ni daznaŭca.
Ciapier čytajuć
«Byŭ hałodny, jak z Aśviencima, nie jeŭ ni miasa, ni harodniny». Što viadoma pra śmierć babrujskaha žurnalista, na jakoha zaviali kryminalnuju spravu ŭ Polščy1919
Kamientary