Arhanizatary «Jeŭrafestu» sprabujuć vyśvietlić infarmacyju ab rasśledavańni vynikaŭ hałasavańnia na finale konkursu
Arhanizatar «Jeŭrafestu» — Biełteleradyjokampanija — sprabuje vyśvietlić, ci sapraŭdy viadziecca rasśledavańnie vynikaŭ hałasavańnia na finale konkursu.
Pakul u arhanizataraŭ nacyjanalnaha adboru na mižnarodny konkurs «Jeŭrabačańnie-2012» niama aficyjnaha paćviardžeńnia tamu, što taki razbor viadziecca, zajaviła BiełaPAN krynica ŭ Biełteleradyjokampanii. «Pra hetyja padziei stała viadoma ź internetu. U nas niama ni papiery, ni pradpisańnia, ničoha aficyjnaha, što paćviardžała b hety fakt. My źviarnulisia ŭ Administracyju prezidenta, ale nam nie adkazali», — skazaŭ surazmoŭca.
Arhanizatary «Jeŭrafestu» spadziajucca, što ŭ najbližejšyja dni «štości prajaśnicca».
Nahadajem, pa vynikach finału «Jeŭrafestu», jaki adbyŭsia 14 lutaha, było abjaŭlena, što Biełaruś na «Jeŭrabačańni-2012» u Baku budzie pradstaŭlać śpiavačka Alona Łanskaja. Pavodle praviłaŭ konkursu, pieramožca vyznačałasia šlacham padsumoŭvańnia vynikaŭ hałasavańnia telehledačoŭ i prafiesijnaha žury. Viadučyja «Jeŭrafestu» abviaścili ŭžo padsumavanyja hałasy.
16 lutaha partał TUT.BY raspaŭsiudziŭ infarmacyju ab tym, što z-za nieadnaznačnaj reakcyi hramadskaści na vyniki finału «Jeŭrafestu» Alaksandr Łukašenka rasparadziŭsia razabracca, nakolki abjektyŭna byŭ vyznačany pieramožca konkursu, i dla hetaha stvorana śpiecyjalnaja kamisija, kudy nibyta ŭvajšli pradstaŭniki šerahu ministerstvaŭ i viedamstvaŭ, u tym liku śpiecyjalisty pa abaronie infarmacyi.
U RUP «Biełtelekam», jakoje zabiaśpiečvała telefonnaje hałasavańnie hledačoŭ, kamientavać situacyju admovilisia.
16 lutaha Biełteleradyjokampanija paabiacała ŭ najbližejšyja dni raźmiaścić na svaim sajcie rasšyfroŭku telefonnaha hałasavańnia, adnak heta i ciapier nie zroblena.
Tym časam 18 lutaha ŭ niekatorych ŚMI źjaviłasia infarmacyja ab tym, što ŭ miežach rasśledavańnia dapytvajuć členaŭ žury.
Na prośbu BiełaPAN prakamientavać hetyja źviestki staršynia žury, kiraŭnik prajekta «Jeŭrafest» Alaksandr Cichanovič zajaviŭ: «Ni pra jakija kamisii nie viedaju. "Jeŭrafest" nie zajmaŭsia hałasavańniem — hałasavańniem zajmalisia pravajdary. Nam dali vyniki — i ich prosta viadučyja ahučyli. Ja byŭ staršynioj žury i mahu tolki skazać, što našy mierkavańni razyšlisia: žury prahałasavała za Litesound (hurt zaniaŭ u finale druhoje miesca. — BiełaPAN.), a telehledačy — za Łanskuju».
Litoŭski viaskovy padvorak na miažy ź Biełaruśsiu vyhladaje, jak aŭtasałon pa prodažy premijalnych aŭto VIDEA1
Kamientary