Termin rasśledavańnia kryminalnaj spravy Alaksandra Varłamava i ŭtrymańnia abvinavačanaha pad vartaj padoŭžany da maja 2012 hoda, paviedamili ŭ Śledčym kamitecie.
Madeljeru Alaksandru Varłamava ŭ studzieni 2012 hoda byli pradjaŭlenyja abvinavačvańni pa č. 4 art.209 «Machlarstva» KK. Epizod, jak adznačajuć u SK, źviazany z praviadzieńniem Varłamavym ašukanskich dziejańniaŭ, u tym liku ŭ dačynieńni da baćkoŭ niepaŭnaletnich dziaciej, jakija ŭdzielničali ŭ pakazach mod za miažoj.
Ustanoŭlena, što, budučy padmanutymi, baćki pieradavali Varłamavu najaŭnyja hrašovyja srodki dla apłaty prajezdu dziaciej za miažu, ich pražyvańnia, a taksama na inšyja raschody. U toj ža čas finansavańnie hetych raschodaŭ ažyćciaŭlałasia za košt biudžetnych srodkaŭ i srodkaŭ BDU.
Ciapier pa kryminalnaj spravie ŭstanaŭlivajucca ŭsie akaličnaści supraćpraŭnaj dziejnaści abvinavačvanaha, źviazanaj z arhanizacyjaj i praviadzieńniem mižnarodnych pakazaŭ u miežach fiestyvalu «Młyn mody», niezakonnym raschodavańniem biudžetnych srodkaŭ, prymajucca miery pa pakryćci naniesienaha ŭronu. U pryvatnaści, śledstva praviaraje dadzienyja pra mahčymaje prysvajeńnie na praciahu 2007–2010 hadoŭ Varłamavym vydzielenych z respublikanskaha biudžetu hrašovych srodkaŭ dla kamandziravańnia ŭ krainy Jeŭropy ŭdzielnikaŭ
Pravodziacca pravierki pa faktach mahčymaha sistematyčnaha kradziažu Varłamavym hrašovych srodkaŭ, jakija naličvalisia padparadkavanym jamu rabotnikam u jakaści zarabotnaj płaty, materyjalnaj dapamohi, premij.
Pa kryminalnaj spravie, što znachodzicca ŭ vytvorčaści ŭpraŭleńnia pa rasśledavańni złačynstvaŭ u śfiery arhanizavanaj złačynnaści i karupcyi Śledčaha kamiteta, Varłamavu pradjaŭleny abvinavačańni va ŭčynieńni złačynstvaŭ, praduhledžanych č. 4 art. 209, č. 3 art. 210, č. 3 art. 426 KK.
Za zabojstva čałavieka ŭ IČU Barysava aryštavali dvuch zekaŭ-recydyvistaŭ i 26‑hadovaha milicyjaniera Klaščonka8
Za zabojstva čałavieka ŭ IČU Barysava aryštavali dvuch zekaŭ-recydyvistaŭ i 26‑hadovaha milicyjaniera Klaščonka
«Vyzvalali niemcaŭ ad fašyzmu, a sami zastavalisia ŭ tym ža dziarmie». Apublikavana treciaja častka ŭspaminaŭ Ryhora Biarozkina pra savieckija represii3434
Kamientary