Dziakujučy dyktoŭcy, Dzień rodnaj movy ŭ Mahilovie adznačaje i ŭłada
U Mahilovie bolš za šeśćdziesiat čałaviek 19 lutaha adznačyli Mižnarodny dzień rodnaj movy napisańniem dyktoŭki i ŭdziełam u intelektualnym spabornictvie «Biełaruskaje piaciborstva» dla darosłych.
Mierapryjemstvy prachodzili ŭ Pałacy vobłaści. Ich arhanizavali haradskaja arhanizacyja Tavarystva biełaruskaj movy i tvorčy kłub «Natchnieńnie».
Sioleta mahiloŭskija rupliŭcy biełaruskaj movy pisali dyktoŭku piaty raz. Dla jaje arhanizatary abrali vierš «Letapisiec» Maksima Bahdanoviča.
«Vieršu spaŭniajecca sioleta sto hadoŭ, i jon pryśviečany Mahilovu»,— tak arhumientavaŭ vybar tvoru dla dyktoŭki adzin ź jaje arhanizataraŭ Aleh Dźjačkoŭ.
Dyktavała Bahdanovičaŭ vierš nastaŭnica biełaruskaj movy i litaratury Hanna Bandarenka. Vyniki dyktoŭki buduć ahučanyja paźniej.
«Dziakujučy dyktoŭcy Dzień rodnaj movy pačali adznačać u Mahilovie nie tolki ludzi, jakija dbajuć pra biełaruskuju movu, ale i ŭłada. Letaś kiraŭnik harvykankama Stanisłaŭ Baradaŭka pavinšavaŭ mahiloŭcaŭ z hetym śviatam. Sioleta hety dzień buduć adznačać admysłovymi imprezami ŭ mahiloŭskich škołach», — zaznačyŭ kiraŭnik haradskoj arhanizacyi TBM Aleh Dźjačkoŭ.
Štohod tebeemaŭcy pravodziać jaho dla školnikaŭ va ŭniviersitecie imia Kulašova. Darosłyja, jak i vučni, mieli adkazać na piać pytańniaŭ — pa adnym pa matematycy, hieahrafii, historyi dy biełaruskaj movie j litaratury. Na vykanańnie zadańniaŭ inicyjatar «Piaciborstva» Michaś Bułavacki advioŭ dvaccać piać chvilinaŭ. Pieramoh u intelektualnym spabornictvie siabra TBM Siarhiej Dymkoŭ. Druhoje miesca zaniała vučanica vośmaha kłasa Janina Asipcova. Treciaje — Aleh Dźjačkoŭ.«Biełaruskaje piaciborstva» dla darosłych prachodziła ŭpieršyniu.
U kancy śviatočnych mierapryjemstvaŭ byli ŭručanyja paśviedčańni siabra TBM dziasiatku novym siabram aktyvistam. Prahučali vieršy miascovych paetaŭ. Ź vitańniem i vieršami vystupiŭ pradstaŭnik ukrainskaj dyjaspary horada Uładzimir Ciščanka.
Ciapier čytajuć
Za zabojstva čałavieka ŭ IČU Barysava aryštavali dvuch zekaŭ-recydyvistaŭ i 26‑hadovaha milicyjaniera Klaščonka1
Za zabojstva čałavieka ŭ IČU Barysava aryštavali dvuch zekaŭ-recydyvistaŭ i 26‑hadovaha milicyjaniera Klaščonka
«Vyzvalali niemcaŭ ad fašyzmu, a sami zastavalisia ŭ tym ža dziarmie». Apublikavana treciaja častka ŭspaminaŭ Ryhora Biarozkina pra savieckija represii2020
Kamientary