Łukašenka pasłu Japonii: «Vy pavinny ŭ nas pabudavać pryhožuju, dobruju atamnuju stancyju»
Takuju prapanovu jon zrabiŭ 20 lutaha, prymajučy ŭ Miensku davierčyja hramaty ŭ pasła Japonii Cikachita Charada.
«Kali vy vyrašycie dzieści pabudavać atamnuju stancyju, Biełaruś pavinna być u śpisie pieršaj. Vy pavinny ŭ nas pabudavać pryhožuju, dobruju atamnuju stancyju, a japoncy ŭmiejuć heta rabić, na moj pohlad, nie horš, a značna lepš za tych, chto ŭmieje heta rabić».
Kiraŭnik dziaržavy ŭspomniŭ ab avaryi na japonskaj AES «Fukusima», adnak padkreśliŭ jon, «heta nie značyć, što mirny atam nikomu nie patrebny».
Nahadajem, 15 sakavika 2011 hoda Biełaruś i Rasija padpisali mižuradavaje pahadnieńnie ab supracoŭnictvie ŭ budaŭnictvie biełaruskaj AES, a ŭ kastryčniku — kantraktnaje pahadnieńnie pa ŭźviadzieńni pieršaj čarhi atamnaj elektrastancyi. U kancy listapada minułaha hoda pavodle vynikaŭ pasiadžeńnia Vyšejšaj dziaržrady sajuznaj dziaržavy było padpisana mižuradavaje pahadnieńnie ab vydzialeńni Rasijaj dziaržaŭnaha ekspartnaha kredytu na budaŭnictva biełaruskaj AES.
Rasijski bok pavinien vydać Biełarusi dziaržaŭny ekspartny kredyt da 10 miljardaŭ dołaraŭ dla finansavańnia 90% koštu dvuch enierhabłokaŭ atamnaj elektrastancyi. Biełaruś uziała abaviazak vykarystoŭvać kredyt u pieryjad z 2011 pa 2020 hady.
Raniej zajaŭlałasia, što pieršy błok biełaruskaj AES płanujecca ŭvieści ŭ stroj u 2017 hodzie, druhi błok — u 2018-m.
-
Što viadoma pra źniavolenych u Biełarusi hramadzian Ukrainy, jakija siońnia niečakana zdabyli volu?
-
Łukašenka nie pavieryŭ Ryžankovu. Piatkievič vyhladaje procivahaj Krutomu. A Kruty — vialikaja zahadka
-
«Ukraina Biełarusi nie pahražaje, my vymušanyja abaraniacca». Ukrainskaja pamiežnaja słužba adkazała biełaruskaj
Kamientary