Za złamanuju nahu žančyna adsudziła ŭ kramy 6 młn rubloŭ
Pryčym jana sama adstojvała svaje pravy, hrošaj na advakata nie było.
Jana zmahła dakazać, što stełaž z mukoj pastavili ŭ nienaležnym miescy.
— Ja sama ŭ sudzie adstojvała svaje pravy, hrošaj na advakata ŭ mianie niama.
Zatoje ŭ internecie možna znajści lubuju infarmacyju, lubyja zakanadaŭčyja akty.Tym bolš stolki razoŭ hladzieła ŭsiakija pieradačy, naprykład, «Hadzina suda», što svaje pravy vydatna viedała, — raspaviadaje žycharka Pinska Alena Andrusiak.
Hetaja historyja pačałasia jašče ŭ śniežni 2010. U toj viečar Alena zajšła ŭ kramu kala doma pa praduktyi. A kali prachodziła kala stełaža, na jakim stajała muka na rasprodaž, to začapiłasia i pavaliłasia. Supracoŭniki kramy tut ža vyklikali «chutkuju», jakaja paviezła pinčanku ŭ balnicu. Akazałasia, u jaje pierałom nahi.
— Ja była na balničnym čatyry miesiacy, pieraniesła dźvie apieracyi.
Kali mnie vystavili rachunak za mietaličny błakavalny stryžań u adzin miljon, adrazu vyrašyła: budu źviartacca ŭ sud.Heta vielmi surjoznaja suma dla mianie, ja ž adna haduju dvaich dziaciej, pracuju prybiralnicaj, i zrazumieła, što zarobak nievialiki, — kaža Alena Andrusiak.
— Vy ž pracujecie prybiralščycaj u nataryjalnaj kantory. Moža, kansultavalisia z kimści na pracy?
— Nie, u mianie niama lišnich hrošaj.
Žančyna padała pazoŭ u sud i paprasiła spahnać z kramy 6 miljonaŭ. Adzin — za stryžań i piać — maralnuju škodu.
— Reč u tym, što palet z mukoj stajaŭ prosta na prachodzie, a ŭ praviłach pažarnaj biaśpieki skazana, što tak rabić nielha. U vypadku evakuacyi prachod pavinien być svabodny. Sud doŭžyŭsia praktyčna hod, i zaraz vyniesiena rašeńnie ŭ maju karyść, krama abaviazany mnie vypłacić 6 miljonaŭ.
Jašče kali ja lažała ŭ balnicy, prychodzili supracoŭniki hetaj kramy i skazali, što pastavili śviečku ŭ carkvie za majo zdaroŭje. Ni pra jakuju kampiensacyju havorki nie išło,— raspaviadaje Alena.
Paśla hetaha incydentu žančyna pierastała chadzić u kramu kala doma. Kaža, niepryjemna ŭspaminać pry incydent. A arhanizacyja, jakoj naležyć krama, vyrašaje, što rabić dalej.
— My jašče nie atrymali matyvavalnaj častki. Kali jana budzie dastatkova arhumientavanaj, to nam pryjdziecca vypłacić hrošy. Kali ŭ nas uźniknuć pytańni, budziem abskardžvać rašeńnie suda, — kažuć u AAT «Pradukty Pinsk».
Ciapier čytajuć
Što Babaryka i Kaleśnikava adkazali na pytańni pra vajnu37
Kamientary