Ministr zamiežnych spraŭ Biełarusi Siarhiej Martynaŭ nie płanavaŭ pajezdku ŭ Prahu na sustreču kiraŭnikoŭ MZS krain Vyšahradskaj hrupy i Uschodniaha partniorstva, jakaja projdzie 4 sakavika. Pra heta zajaviła načalnik adździeła pres-słužby MZS Maryja Vańšyna, kamientujučy zajavu pasła pa asablivych daručeńniach źniešniepalityčnaha viedamstva Čechii Pietera Maraša.
«U adpaviednaści z hrafikam ministr Martynaŭ i nie płanavaŭ pajezdku ŭ Prahu, pra heta viadoma abodvum bakam», — skazała jana.
Nahadajem, 21 lutaha na pres-kanfierencyi ŭ Minsku Maraš paviedamiŭ, što Martynaŭ pakul nie zaprošany na sustreču ministraŭ zamiežnych spraŭ krain Vyšahradskaj hrupy i Uschodniaha partniorstva. Jon nie staŭ nazyvać umovy, na jakich Martynava mohuć zaprasić u Prahu, ale ŭdakładniŭ: «Abodva baki viedajuć, što treba zrabić, kab heta adbyłosia».
Kamientary