Biełaruskaja dyjaspara raspačynaje kampaniju za bajkot Čempijanatu-2014
Kali ŭ Biełarusi zastanucca palitviaźni — budzie bajkot.
«Usie my, chto žyviom u volnym śviecie, pavinny siońnia ŭziać na siabie adkaznaść damahčysia vyzvaleńnia i reabilitacyi ŭsich palityčnych viaźniaŭ u Biełarusi,— źviarnułasia da biełarusaŭ śvietu
BAZA prapanavała prykładnuju adozvu, jakuju zaklikaje rassyłać va ŭrady, palitykam, a taksama ŭ chakiejnyja fiederacyi, u arhanizacyi moładzi.U zvarocie havorycca, što ŭ Biełarusi ŭ turmach siadziać palitviaźni. Utrymlivajecca zaklik upłyvać na ŭsie adpaviednyja ŭstanovy, jakija, u svaju čarhu, mohuć paŭpłyvać na taho čałavieka, jaki adzin vyrašaje, kaho sadzić i kaho vypuskać u Biełarusi — Alaksandra Łukašenku.
BAZA prosić usie biełaruskija arhanizacyi śvietu i asobnych hramadzian paviedamlać jamu pra zroblenaje ŭ hetym kirunku i biare na siabie kaardynacyju akcyi.
Raniej da bajkotu chakiejnaha čempijanatu zaklikali Jeŭraparłamient i amierykanski Kanhres.Da bajkotu zaklikali i abjadnańni «novaj dyjaspary», takija, jak Free Belarus Now. Ciapier da ich dałučylisia struktury «staroj dyjaspary». Hetyja zakliki nie znajšli pakul vodhuku ŭ funkcyjanieraŭ mižnarodnaj chakiejnaj fiederacyi. Adnak niama sumnievaŭ, što
ŭ vypadku zachavańnia toj kašmarnaj situacyi z pravami čałavieka, jakaja jość u Biełarusi ciapier, chakiejny čempijanat pieratvorycca ŭ adzin vialiki skandał.A tym bolš kali situacyja pahoršaje: adbuducca novyja pahromy ci źjaviacca novyja viaźni sumleńnia. Navat kali nie znojdziecca jurydyčnaj padstavy, kab spabornictva ź Biełarusi pieranieści, atmaśfiera vakoł jaho budzie adpaviednaja. Buduć zvaroty viadomych ludziej śvietu, u tym liku spartoŭcaŭ i dziejačoŭ kultury, da chakieistaŭ. Suśvietnyja ŚMI buduć pieraścierahać zaŭziataraŭ. Buduć akcyi pratestu ŭ časie pieršynstva. Buduć i akcyi adčaju biełarusaŭ: sud nad Kavalenkam pakazaŭ, što mnohija ludzi daviedzieny da kraju ciarpieńnia.
Ciapier čytajuć
Za zabojstva čałavieka ŭ IČU Barysava aryštavali dvuch zekaŭ-recydyvistaŭ i 26‑hadovaha milicyjaniera Klaščonka8
Za zabojstva čałavieka ŭ IČU Barysava aryštavali dvuch zekaŭ-recydyvistaŭ i 26‑hadovaha milicyjaniera Klaščonka
«Vyzvalali niemcaŭ ad fašyzmu, a sami zastavalisia ŭ tym ža dziarmie». Apublikavana treciaja častka ŭspaminaŭ Ryhora Biarozkina pra savieckija represii3434
Kamientary