Aśvieja — haradski pasiołak u Vierchniadźvinskim rajonie Viciebskaj vobłaści, naličvaje krychu bolš za tysiaču žycharoŭ. Hieahrafična — heta samy paŭnočny z bujnych nasielenych punktaŭ Biełarusi. 15 kiłamietraŭ na poŭnač — i heta ŭžo terytoryja Rasii i Łatvii.
Sioleta śviata Maślenicy ŭpieršyniu prajšło la bieraha Aśviejskaha voziera, darečy, druhoha pa vieličyni paśla Naračy.
Akramia śviatočnych blinoŭ i vohnišča, žychary zabaŭlalisia katańniem na koniach pa lodzie voziera.