«Terakty mieli adbycca adrazu paśla prezidenckich vybaraŭ», — havorycca ŭ repartažy.
Terarysty rychtavali zamach na Uładzimira Pucina, paviedamiŭ ranicaj u paniadziełak rasijski Pieršy kanał.
«Udzielniki bandy znachodzilisia ŭ mižnarodnym vyšuku i byli zatrymanyja ŭ Adesie ŭ pačatku hetaha hoda. Miarkujučy pa vyjaŭlenych dokazach i pakazańniach złačyncaŭ, da vybuchaŭ u Maskvie zastavalisia ličanyja tydni. Terakty mieli adbycca adrazu paśla prezidenckich vybaraŭ», — havorycca ŭ repartažy.
«Kali paśla navahodnich śviataŭ, 4 studzienia, u adnoj z adeskich kvater prahrymieŭ vybuch, pieršaje, što padumali pažarnyja — vybuchnuŭ bytavy haz.Ale ŭžo praz dva dni paśla hetaha, 6 studzienia, Słužba biaśpieki Ŭkrainy nakiravała terminovuju telehramu svaim kaleham z FSB Rasii.
Adzin z tych, chto zdymaŭ kvateru, pry vybuchu zahinuŭ. Jašče adnaho, abharełaha, udałosia vyratavać. Jaho adrazu ž dapytali, bo siarod rečaŭ znajšli častki vybuchovych pryład.Miarkujučy pa pakazańniach Illi Pjanzina, jaki vyžyŭ u vybuchu, razam ź niabožčykam Rusłanam Madajevym, jaki pry ŭzryvie zahinuŭ, jany prylacieli na Ŭkrainu z Arabskich Emirataŭ praz Turcyju z vyraznymi instrukcyjami ad pradstaŭnikoŭ Doku Umarava», — paviedamlaje rasijski telekanał.
Adam Asmajeŭ, jaki z 2007 hoda znachodzicca ŭ mižnarodnym vyšuku, achvotna supracoŭničaje sa śledstvam, znachodziačysia ŭ śledčym izalatary SBU Ukrainy.Jak śćviardžajuć rasijskija ŚMI, Asmajeŭ spadziajecca, što heta dapamoža jamu paźbiehnuć ekstradycyi ŭ Rasiju. «Kančatkovaja meta była pajechać u Maskvu i pasprabavać ździejśnić zamach na premjera Pucina.
Jość takija miny vajennaha ŭzoru, jakija nazyvajucca procibortnyja miny. Tak što nie abaviazkova navat śmiarotnik. Zahinuły, naprykład, byŭ hatovy pajści śmiarotnikam», — skazaŭ Adam Asmajeŭ.
Mienavita Asmajeŭ, jaki da hetaha doŭhi čas žyŭ za miažoj, u Łondanie, byŭ suviaznym terarystaŭ u Adesie i instruktaram. Jon pavinien byŭ navučyć ich i pierapravić u Maskvu. Uvieś płan padrychtoŭki apieratyŭniki znajšli ŭ jaho noŭtbuku, adznačajecca ŭ repartažy Pieršaha kanała.
«Siarod fajłaŭ ukazany videa z prajezdam karteža. U pryvatnaści, Pucina.Kab miełasia paniaćcie, jak siadaje asoba, jakuju achoŭvajuć, kolki mašyn jaje supravadžaje. Z roznych rakursaŭ, z roznych vulic. Heta značyć, ludzi navučalisia nie na adnym prykładzie, a na niekalkich», — paviedamiŭ apieratyŭny supracoŭnik FSB.
«Častka detanataraŭ i płastytu była zaviezieny ŭ Maskvu zahadzia.Razam z toj vybuchoŭkaj, jakoj była načynienaja mašyna, jakuju supracoŭniki FSB raźminiravali na Prafsajuznaj vulicy ŭ Maskvie jašče ŭ mai 2007 hoda», — adznačajecca ŭ repartažy.
Raźličvajučy na palohku, schovišča vybuchoŭki kala Kutuzaŭskaha praśpiekta ŭ Maskvie pakazaŭ sam Asmajeŭ.«Byŭ by prystojny vybuch. Dastatkovy, kab raźviarnuć hruzavuju mašynu», — kaža apieratyŭny supracoŭnik FSB.
Asmajeŭ nie admaŭlaje, što daskanała vyvučaŭ šlach pieramiaščeńnia ŭradavych kartežaŭ u Maskvie. I pryznaŭsia, što padrychtoŭka da terakta ŭžo zaviaršałasia: «Dedłajn byŭ paśla vybaraŭ prezidenta Rasii».
Razam z tym, usia historyja trochi nahadvaje pieradvybarčy pijar Uładzimira Pucina.Pierad vybarami 2000 i 2008 hoda taksama paviedamlałasia pra padrychtoŭku zamachaŭ na Pucina. Nahadajem, što vybary ŭ Rasii adbuducca 4 sakavika.
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim10
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim
Babaryka i Kaleśnikava pahavaryli ź Inhaj Ruhinienie i zaklikali Litvu «dałučycca da dypłamatyčnych namahańniaŭ ZŠA» i «nie prapuścić akno mahčymaściej»3232
Kamientary