Pierahlad spravy studentki, asudžanaj 19 śniežnia 2011, praciahniecca 12 sakavika
Papiaredniaje rašeńnie suda – štraf 25 bazavych – było admienienaje paśla taho, jak dziaŭčyna padała kasacyjnuju skarhu.
Śviatłana Zadziadziuryna, studentka 4 kursa fizfaka BDU, była asudžanaja za ŭdzieł u akcyi 19 śniežnia 2011 hoda. Adnak, pa słovach dziaŭčyny, jana nie tolki nie brała ŭdzieł, ale navat nie viedała pra praviadzieńnie akcyi.
Vypadak sa Śviatłanaj — nie ŭnikalny ŭ sudovaj praktycy. Padčas minułahodnich «maŭklivych akcyj» taksama zatrymlivali vypadkovych minakoŭ. Adnak cikava, što Śviatłana damahłasia pierahladu svajoj spravy, a dekanat BDU padtrymaŭ jaje i paćvierdziŭ, što taja była na zaniatkach.
Siońnia ŭ 16.30 ŭ Domie pravasudździa pačałosia sudovaje pasiedžańnie pa pierahladzie administracyjnaj spravy Zadziadziurynaj.
Śviatłana raspaviała «NN» akaličnaści svajho zatrymańnia. 19 śniežnia ŭviečary jana viartałasia damoŭ z zaniatkaŭ. Apošniaja para, kantrolnaja pa kvantavaj fizicy, skončyłasia, a
«Aćviarozili» dziaŭčynu, u jakoj, vidać, u hałavie jašče krucilisia pratony ź niejtronami, kryki ludziej dy fotaŭspyški la Čyrvonaha kaścioła.Jana patelefanavała maci i damoviłasia sustrecca na Niamizie. Adnak nie paśpieła.
«Ja azirnułasia i ŭbačyła, što na mianie idzie mašyna, sini falksvahien. Prajšło litaralna paru siekund, jak dva čałavieki schapili mianie pad pachi i zakinuli ŭ hetu mašynu», —kaža Śviatłana.
Dziaŭčyna paprasiła amonaŭcaŭ, što siadzieli pobač, pradstavicca i patłumačyć, što ŭvohule adbyłosia. Adkazu nie było.
Urešcie jaje pryvieźli ŭ Maskoŭski RAUS, skłali pratakoł ab udziele ŭ niesankcyjanavanym pikiecie.
Śviatłana napisała, što nie zhodnaja z pratakołam, koratka patłumačyła, čamu. Jaje prymušali zdać adbitki palcaŭ, adnak dziaŭčyna admoviłasia, choć joj skazali, što ŭsio roŭna «adkatajuć» na Akreścina ŭ horšych umovach.U izalatar zatrymanych pryvieźli ŭ hadzinu nočy. U kamiery było choładna, dźmuła z pabitaha vakna. Aproč Śviatłany, byli jašče 6 dziaŭčyn, zatrymanych za śviečki.
Na nastupny dzień
u sudzie suprać Śviatłany śviedčyŭ milicyjant, jakoha jana bačyła ŭpieršyniu. «Śviedka» nie moh uzhadać, dzie jon zatrymaŭ dziaŭčynu i ŭ što taja była apranutaja.
«Paśla suda ja radavałasia, što mnie nie dali «sutki», kaža Śviatłana. Krychu ačomaŭšysia ad svaich «pryhodaŭ», parazmaŭlaŭšy ź jurystami, dziaŭčyna padała kasacyjnuju skarhu. Minski haradski sud pastanaviŭ pierahledzieć spravu, što zdarajecca redka.
***
Sud praciahniecca 12 sakavika.
Babaryka try chviliny adkazvaŭ na pytańnie, čyj Krym. Tak i nie adkazaŭ86
Kamientary