Mnohija čakali źjaŭleńnia ŭ śpisie nieŭjaznych u Eŭrapiejski Źviaz imia biełaruskaha biznesoŭca Juryja Čyža. U apošnija hady pry jahonym proźviščy niaredka ŭžyvajuć słova «imperyja».
U sferu intaresaŭ Juryja Čyža ŭvachodziać
U štohadovym rejtynhu 200 samych paśpiachovych i ŭpłyvovych biznesoŭcaŭ Biełarusi za 2011 hod, jaki dniami padrychtavaŭ
Jury Čyž zajmaje druhoje miesca. Jon sastupaje tolki Ŭładzimieru Piefcijevu.
Składalnik hetaha rejtynhu Vadzim Siachovič skazaŭ, što Jury Čyž pačaŭ svoj šlach u biznes sa sportu:
«U nas vielmi šmat
Čyža časam nazyvajuć «niaździejśnienym rekieciram», bo jon byŭ viadomy barec, majstar sportu.
Pamiataju, što svoj biznes jon čamuści pačynaŭ z dyvanoŭ. Pryvoziŭ i pradavaŭ tut dyvany z Belhii. Tady heta byŭ vialiki biznes i šmat chto im zajmaŭsia».
Ale heta byŭ tolki podstup da sapraŭdnaha biznesu — praciahvaje Vadzim Siachovič:
«I taki pieršy prajekt, kali źjaviłasia kampanija «Trajpł», byŭ źviazany z budaŭničymi materyjałami.
Jon pačaŭ vielmi šparka rabić vokny PVCH. I vielmi, jak kažuć, da miesca staŭ prajekt «Akva-trajpł », jaki ŭźnik krychu paźniej».
Biznes Čyža pačaŭ imkliva pašyracca. I najpierš praź jahonyja suviazi z uładnymi strukturami — kaža kiraŭnik analityčnaha centru «Stratehija» Leanid Zaika:
«Heta tak zvany namenklaturny biznes. Jon lohka rasšyfroŭvajecca. Tam biznesu, pa vialikim rachunku, užo niama. Heta prosta robiać hrošy pry dapamozie pradstaŭnikoŭ ułady».
Adnak u karjery Čyža byŭ i niaŭdały biznes, — zhadvaje Vadzim Siachovič:
«Jon u svoj čas byŭ suakcyjaneram Biełaruskaha biržavoha banku, jaki paśla z treskam łopnuŭ. I voś što cikava — dahetul u imperyi Čyža niama bankaŭskich aktyvaŭ. Mabyć, daje pra siabie znać toj niaŭdały finansavy dośvied. Praŭda, sioleta chadzili čutki, što jon vykupić bank „
Juryj Čyž adkryŭ u Miensku sietku hipermarkietaŭ
Čas ad času ŭ internecie źjaŭlajucca śpisy samych bahatych ludziej Biełarusi. Jury Čyž tam u pieršaj dziasiatcy. Ale daviarać hetym ličbam nielha — kaža Leanid Zaika:
«Hety śpis nie validny. Bo kab acanić sapraŭdny finansavy stan, najpierš treba vyjści ź cieniu. Treba budzie zadeklaravać svaje prybytki. I pakazać, adkul uziatyja hrošy. Naprykład, adkul ty miljard zarabiŭ? Handlavaŭ zbrojaj. Chiba ž heta biznes? Tak, namenklaturnyja hulni».
Juryja Čyža čas ad času možna bačyć pobač z Alaksandram Łukašenkam.
«Mnie ciažka skazać, spryjaje kiraŭnik dziaržavy jamu albo nie. Ale toje, što jany razam kosiać travu i robiać heta pryludna, śviedčyć pra toje, što dačynieńni ŭ ich dobryja. Čyž razam z tym ža Piefcijevym i jašče niekalkimi biznesoŭcami — sponsar prezydenckaha spartovaha klubu. I heta taksama śviedčyć pra toje, što ŭ jaho dobryja suviazi», — kaža Vadzim Siachovič.
Leanid Zaika ličyć, što ŭ biełaruskaj struktury biznesu za Juryjem Čyžom niezaležna ad rašeńnia Eŭraźviazu zachavajecca ciopłaje miesca. Čamu?
«Jon nikoli nie zajaŭlaŭ, što choča być prezydentam. U adroźnieńnie ad taho ž Chadarkoŭskaha».
Pradprymalnik Pavał Žuk niekali mieŭ drukarniu na čyžoŭskich płoščach. Jon ličyć, što šparkaje raźvićcio biznesu Juryja Čyža, jakoha nazyvajuć siabram Łukašenki, tłumačycca prosta:
«Čałaviek tak padstroiŭsia pad uładu. Prosta tak heta nie byvaje. Prosta ŭvajšoŭ u davier, niejkuju častku addaje kudy treba. A jamu dajuć mahčymaść.
Jon u svoj čas uziaŭ padrad na pierabudovu ŭsich vajskovych haradkoŭ. Potym nadyšoŭ kryzis, usio tam zavaliłasia, jon straciŭ niejkija hrošy.Taksama niekalki damoŭ uziaŭ u centralnych miescach. Adzin vielmi šparka budujecca, a ŭsie astatnija zakinutyja. Bo hrošaj niama, jamu heta darujecca. Z „Iteraj“ skasavali kantrakt, a jamu možna rabić usio što zaŭhodna. Bo ŭvajšoŭ u davier. Nia viedaju, jakija pracenty jon tam addaje, što jon tam robić. Ale heta pryvatnaja damoŭlenaść z samymi vysokimi asobami ŭ dziaržavie».
Čyž i jahony biznes
Słavienskaja budaŭničaja firma Riko Group budzie brać udzieł u prestyžnym budaŭničym prajekcie ŭ histaryčnym centry Miensku. Jon tyčycca hatela «Kiempinski», dzie investaram vystupaje «Elit Estejt».
Jak paviedamiła pradstaŭnica «Trajpła» Aksana Chrustalova, «Elit Estejt» maje dačynieńnie da kampanii «Trajpł». Adnak jana admoviłasia davać kamentary i niejkija inšyja padrabiaznaści. Ahladalniki nie vyklučajuć, što mienavita ŭdzieł Słavienii ŭ hetym prajekcie moh paŭpłyvać na jaje staŭleńnie da eŭrapiejskich sankcyjaŭ adnosna Biełarusi. Dla Juryja Čyža heta nia pieršy prajekt. U červieni hetaha hodu čakajecca zdača žyłoha kompleksu
Specyjalist pa prodažach Pavał Pratasoŭski kaža: «Kompleks ujaŭlaje saboju šmatkvaterny žyły dom na 235 kvater. I jašče ŭbudavany trochuzroŭnievy padziemny parkinh i niežyłyja pamiaškańni — ofisy i kramy. Jon znachodzicca ŭ najlepšym miescy stalicy. Značnaja častka kvateraŭ pradadziena. Na siońniašni dzień košt kvadratnaha metra — 3 tysiačy dalaraŭ ZŠA. Na siońnia ŭ ramkach budaŭnictva — heta asnoŭny prajekt, jaki znachodzicca ŭ stadyi realizacyi».
Juryju Čyžu tnaležyć hrupa kampanijaŭ «Trajpł», dzie pracuje kala 5 tysiač čałaviek.
Jaho intaresy palahajuć u roznych sferach — ad aptovaha handlu naftapraduktami i budaŭnictva da vytvorčaści biezalkaholnych napojaŭ, hatelnaha biznesu, impartu alkaholnych napojaŭ i navat hadoŭli siarednieazijackich aŭčarak.
Siarod abjektaŭ, jakija naležać Čyžu, —
Juryj Čyž — staršynia naziralnaj rady futbolnaha klubu «Dynama» i staršynia Biełaruskaj federacyi baraćby. Vykanaŭčy dyrektar federacyi Mikałaj Pałaźnik kaža, što Čyž dla federacyi — heta najlepšy varyjant.
Pra mahčymaść uklučeńnia Čyža ŭ śpis nieŭjaznych jon kaža: «Ja dumaju, heta hłupstva. Heta ŭsio ŭčorašni dzień. Ciapier treba znachodzić ahulnuju movu i ź im, i z usimi inšymi kiraŭnikami ŭ krainie».