Ci jość jašče kraina, dzie nastaŭnik u niadzielu idzie sa svaimi školnikami na chakiej, bo na hulniu RB — Rasija «nie chapaje» hledačoŭ, kab zrabić dobruju karcinku na BT?
Ci ž heta było kali, kab nastaŭnik vymušany byŭ sam čyścić śnieh kala škoły?
Ci ž heta było kali, kab nastaŭnik za svaje hrošy vypisvaŭ haziety ŭ škoły («Nastaŭnickaja», «SB», «Minski kurjer»)?
Ci ž heta było kali, kab nastaŭniki sami myli, farbavali stoli i padłohi ŭ svaich kabinietach?
Jašče ŭ nastaŭnika takaja biaspłatnaja sprava, jak «vsieobuč». Nastaŭniku daduć učastak dla prypiski dziaciej u škołu. Dva razy na hod nastaŭnik biaspłatna abychodzić svoj «rajon».
A sioleta źjaviłasia jašče adno dziva! Pryjšli papiery z vajenkamata na chłopcaŭ dziaviatych kłasaŭ. Chto budzie zapaŭniać (na kožnaha čatyry papiery: charaktarystyka, dźvie ankiety i viedamaść adznak)? Urešcie, zapaŭniaje kłasny kiraŭnik. Ale ŭvaha — tolki na adnoj z hetych pisul budzie stajać podpis kiraŭnika. Na astatnich buduć stajać podpisy... ludziej z zorkami na plačach. Ci ž heta było kali?
Atrymlivajecca, što nastaŭnik — univiersalnaja prafiesija. A ci heta pravilna tak być? Ci nie treba, kab kožny rabiŭ svajo za siabie? Moža tady i paradak budzie i ŭ škole, i ŭ vajenkamajecie…
Voś hetyja amatary chakieja, dvorniki, čytačy pradziaržaŭnych haziet, praparščyki, ale tolki nie nastaŭniki atrymlivajuć sapraŭdy «nastaŭnickuju zarpłatu». Ci ž heta budzie kali?…
Ciapier čytajuć
Što Babaryka i Kaleśnikava adkazali na pytańni pra vajnu97
Kamientary