Prapanoŭvajuć pašyryć zamarožvańnie aktyvaŭ łukašenkaŭcaŭ.
Lidary krain Jeŭrasajuza na samicie ŭ Bruseli 2 sakavika zaklikali Radu ministraŭ zamiežnych spravaŭ ES zrabić dalejšyja zachady ŭ dačynieńni da aficyjnaha Minska. Pra heta paviedamlaje presavaja słužba viarchoŭnaj pradstaŭnicy EZ u zamiežnych spravach i palitycy biaśpieki Ketryn Eštan.
Vystupajučy na samicie ES, prezident Jeŭrapiejskaj rady Herman van Rompej začytaŭ uzhodnienuju zajavu samita adnosna Biełarusi:
«Jeŭrapiejskaja rada vykazvaje svaju surjoznuju zaniepakojenaść dalejšym paharšeńniem sytuacyi ŭ Biełarusi.
Jana vitaje rašeńnie Rady ES pašyryć śpis asobaŭ — adkaznych za surjoznyja parušeńni pravoŭ čałavieka i represii suprać hramadzianskaj supolnaści, a taksama tych, jakija padtrymlivać režym Łukašenki abo atrymlivajuć ad jaho karyść — u dačynieńni da jakich była ŭžytaja vizavaja zabarona i zamarožvańnie aktyvaŭ.
Jeŭrapiejskaja rada zaklikaje Radu ES praciahnuć pracu nad dalejšymi zachadami.
Jeŭrapiejskaja rada jašče raz paćviardžaje svoj kurs na ŭzmacnieńnie supracoŭnictva ź biełaruskaj hramadzianskaj supolnaściu i padtrymańnie demakratyčnych pamknieńniaŭ biełaruskaha naroda.Hety tekst byŭ adnadušna zaćvierdžany i krainami-susiedkami Biełarusi».
Heta aznačaje, što ŭ vypadku kali ŭ Biełarusi nie budzie prahresu za sakavik, ź vialikaj dolaj imaviernaści Jeŭrasajuz raspaŭsiudzić abmiežavalnyja miery jašče na kahości ź biznes-kryła łukašenkaŭcaŭ.
Na dumku Anatola Labiedźki, Łukašenka zrabiŭ usio, kab kansalidavać ES.«Jeŭrasajuz i Brusel pryniali toj miačyk, pinh-ponh, jaki nakiravaŭ im Alaksandr Łukašenka. I jany pryniali jahonyja praviły hulni».
Papiaredniaja prahrama samita nie praduhledžvała abmierkavańnia biełaruskaha pytańnia.Jano było ŭklučana tudy ŭ apošni momant. Heta ilustruje stupień razdražnieńnia palitykaj Alaksandra Łukašenki, jakoje nazapasiłasia ŭ Jeŭropie.
Jeŭrapiejcy čakajuć spynieńnia represij suprać naroda Biełarusi,a taksama admovu Minska ad praviadzieńnia varožaj da jeŭrapiejskich krain palityki.
Ciapier čytajuć
«Spasibo, Lena! Prodołžajtie viesti nabludienije». Aficer, jaki pisaŭ Charysavaj, paśviŭsia ŭ čatach palitemihracyi, a niekatorym dziaŭčatam navat prapanoŭvaŭ abmianiacca niudsami54
Kamientary