Apoŭnačy 2 sakavika ŭ Rasii skančvajecca pieradvybarčy ahitacyjny pieryjad. Dziakujučy jamu kandydaty ŭ prezidenty atrymali mahčymaść u čarhovy raz zaśviacicca na ekranach televizaraŭ i prademanstravać pluralizm mierkavańniaŭ u rasijskim hramadstvie.
Subota, zhodna z rasijskim zakanadaŭstvam, budzie dniom cišyni, ale znajści choć niejkuju palityčnuju aktyŭnaść akazałasia składanym užo ŭ piatnicu.
Na fonie Procharava fatahrafavalisia mnohija naviedvalniki kancertu
Procharaŭ siarod prychilnikaŭ
Płoščy Maskvy na ŭsialaki vypadak pierakrytyja
Ź dziasiatak biłbordaŭ uzdoŭž trasaŭ, ź jakich lidar kamunistaŭ Hienadź Ziuhanaŭ nazyvaŭsia «našym prezidentam», — voś i ŭsio, što moh ubačyć siaredniestatystyčny turyst, jaki apynuŭsia ŭ piatnicu ŭ Maskvie. Pierakrytyja turnikietami centralnyja płoščy, patrulujemyja palicyjaj, navodzili na padazreńni, što ŭłady ŭsio ž čahości aścierahajucca, ale
ni pikietaŭ, ni razdačy ahitacyjnych materyjałaŭ užo nie było vidać.
Na redkich infarmacyjnych płakatach na ścienach damoŭ rasijanam čarhovy raz nahadvali, što vybary adbuducca mienavita 4 sakavika. Darečy, takaja ž infarmacyja dublujecca na mahnitnych prajaznych kartkach u mietro.
Sacyjalnyja ahitacyjnyja sietki
Hałoŭnym mierapryjemstvam apošniaha dnia byŭ kancert u spartkompleksie «Alimpijski» ŭ padtrymku Michaiła Procharava. Uładzimir Pucin niekalki dzion tamu «źbiraŭ» stadyjon «Łužniki», jaho ž apanient abraŭ mienš źmianšalnuju placoŭku. Siarod zajaŭlenych «zorak» byli hurty
Ci možna ŭjavić mierapryjemstva takoha kštałtu — šmattysiačny kancert u padtrymku kandydata ad biełaruskaj apazicyi — na«Minsk-Arenie» ? Nikoli.
Dla arhanizacyi kancertu štab Procharava vykarystaŭ vopyt zamiežnych palittechnołahaŭ. Jak vyśvietliłasia, kab sabrać paŭniutki zał, nieabaviazkova ŭ prymusovym paradku zvazić dziasiatki aŭtobusaŭ z rabotnikami dziaržaŭnych pradpryjemstvaŭ.
Atrymać zaprašalny bilet moh kožny, zto pahadžaŭsia prapijaryć kancert u sacyjalnych sietkach i dasłać spasyłku na svaju «rekłamu» ŭ vybarčy štab.Achvotnych naličyłasia bolš za dziesiać tysiač čałaviek. Zrešty, bilety ŭ apošni dzień mahli atrymać i ŭsie astatnija.
Panibracki kandydat
Afarmleńnie zała jašče raz nahadała, na jakuju aŭdytoryju aryjentujecca «kandydat ad aliharchaŭ».
Staronki ŭ Tvitery i ŭ Fejsbuku, vyjavy jakich pastajanna ŭźnikali na hihanckich ekranach, źmianialisia z panibrackim tekstam «Miša, my za ciabie!». Tamu i siarod hledačoŭ piensijanieraŭ było mała, ŭsio bolš moładź i tyja, kaho prynamsi pa źniešnim vyhladzie možna adnieści da siaredniaha kłasa.
Vychad dvuchmietrovaha Procharava na scenu nahadaŭ amierykanskija tradycyi kantaktu z aŭdytoryjaj. Paśla nievialikaj pramovy, u jakoj jon paabiacaŭ z Rasii jeŭrapiejskuju krainu, miljanier spuściŭsia na tancpoł, kab adplasvać razam ź siabrami svajho vybarčaha štabu, kab nibyta padkreślić svaju roŭnaść ź imi.
Takaja stratehija dała svoj plon.
Pavodle dadzienych prapucinskich sacyjałahičnych słužbaŭ, Procharaŭ vyjšaŭ na treciaje miesca, sastupajučy Pucinu i Ziuhanavu, ale apiaredžajučy i błazna Uładzimira Žyrynoŭskaha, i lidara «Spraviadlivaj Rasii» Siarhieja Mironava.Zrešty, nichto ź ich, jak miarkujecca, nie składzie sapraŭdnaj kankurencyi Pucinu.
Nadziejaj prychilnikaŭ pieramienaŭ zastajucca paślavybarčyja akcyi pratestu, pieršaja ź jakich pryznačanaja na paniadziełak, 5 sakavika.