Nievyjazny staršynia KDB Zajcaŭ choča vyjechać u kamandziroŭku ŭ Italiju
Rasparadžeńnie № 84r ab kamandziravańni V.Ju. Zajcava ŭ horad Rym premjer-ministr Respubliki Biełaruś padpisaŭ 28 lutaha.
Akt uklučany 2 sakavika ŭ Nacyjanalny rejestr pravavych aktaŭ. Data vizitu nie paviedamlajecca.
Nahadajem, Rada ministraŭ ES u studzieni 2011 hoda ŭklučyła staršyniu KDB Vadzima Zajcava ŭ «čorny śpis» asob, u dačynieńni da jakich dziejničajuć vizavyja sankcyi pa padazreńni ŭ dačynieńni da falšavańnia vynikaŭ vybaraŭ prezidenta 2010 hoda i represij suprać kandydataŭ u prezidenty, sotniaŭ aktyvistaŭ i ŭsioj hramadzianskaj supolnaści. Taksama «zamarožanyja» avuary fihurantaŭ «čornaha śpisu» u jeŭrapiejskich bankach.
Mienavita pry Zajcavu da palitviaźniaŭ u turmie KDB pačałosia staŭleńnie, jakoje pravaabaroncy pryraŭnoŭvajuć da katavańniaŭ. Jak možna mierkavać, akurat pry im adbyłasia sproba masavaj viarboŭki viaźniaŭ pad pahrozaj praciahłaha źniavoleńnia. Jakraz paśla prychodu Zajcava ŭ śpiecsłužbu byŭ aryštavany pravaabaronca Aleś Bialacki.
Dziaržaŭnyja čynoŭniki z čornaha śpisu ES majuć mahčymaść padarožničać pa Jeŭropie, kali ŭdzielničajuć u pracy mižnarodnych arhanizacyj, jakija majuć asablivy status.
Kamientary