Ja naahuł nie razumieju, navošta prezidentu heta na siabie prymiarać -- mianie chočuć, mianie chočuć.
U apošnija hady ŭ pramovach kiraŭnika dziaržavy niaredka hučać vyrazy «nas nie nachilać, nas chočuć nachilić», što źjaŭlajecca eŭfiemizmam homaseksualnaha zhvałtavańnia.
Na minułym tydni Alaksandar Łukašenka, havoračy pra ministra zamiežnych spravaŭ Niamieččyny Hida Vestervele, zajaviŭ: «Lepš być dyktataram, čym «błakitnym».Heta nie pieršaja zajava Alaksandra Łukašenki takoha kštałtu na adras niamieckaha ministra — adkrytaha hieja.
Mała palitykaŭ u śviecie, jakija ŭžyvajuć takuju leksiku i kranajuć takuju tematyku. U čym karani hetaha šyrokaha vykarystańnia ŭ palityčnym leksikonie padobnaj tematyki?Z hetym pytańniem my źviarnulisia da palitemihranta, byłoha načalnika izalatara № 1 MUS Biełarusi Aleha Ałkajeva.
Ałkajeŭ: Ja nia viedaju,
mahčyma Łukašenka choča być najbolš dachodlivym da našych hramadzianaŭ,siarod jakich pracentaŭ 50 ci sami ci ich svajaki siadzieli ŭ turmach.
Taki leksikon, zrazumieła, nieprymalny dla takoha ŭzroŭniu.Tym bolš što ŭ Niamieččynie hetym nikoha nie pakryŭdziš. Tut da hetaha absalutna spakojnaje staŭleńnie. Napačatku heta vyklikała ździŭleńnie, ale ŭsie pryzvyčajvajucca da taho, što nietradycyjnyja seksualnyja aryjentacyi prymalnyja. Tut ciarpima staviacca da hetych pytańniaŭ. Tut
u Łukašenki byŭ vidavočny namier pakryŭdzić i prynizić.
Drakachrust: U kryminalnaj kultury — i ŭ kultury karparacyi siłavikoŭ — nakolki zhvałtavany mužčyna ci hiej ličycca izhojem, asobaj, jakaja znachodzicca ŭ samym nizie ijerarchii?
Ałkajeŭ:
U kryminalnym śviecie heta absalutna tak. Kali čałaviek byŭ pasiŭnym partnioram u seksualnym kantakcie — pa zhodzie ci biez zhody — jon biezahavoračna apynajecca ŭ samym nizie, biez prava hołasui navat biez prava siadzieć za adnym stałom z «narmalnymi» ludźmi. Ale heta čysta kryminalnaja kultura. Jana i ŭ ZŠA takaja, i ŭ Niamieččynie, i ŭ našym znakamitym Hułahu.
Drakachrust: A
nakolki hetaje raźmierkavańnie rolaŭ, statusaŭ zasvojvajuć pradstaŭniki siłavych struktur — MUS, KDB, nakolki jany prasiakajucca kulturaj tych, kaho jany łoviać i achoŭvajuć?
Ałkajeŭ: Heta davoli mocna ŭpłyvaje. My kamunikujem padčas słužby z usioj katehoryjaj, niahledziačy na statusy.
Naprykład, nie pryniata vitacca za ruku z asudžanymi. Nie tamu, što heta zabaroniena. A tamu, što ty nie viedaješ, chto pierad taboj, a raptam ty pavitaŭsia za ruku z «apuščanym».I tady niavažna, chto ty — lejtenant, pałkoŭnik ci hienierał — ty hublaješ aŭtarytet u vačach inšych asudžanych. Tamu lepš ni z kim nie vitacca za ruku i hetaje praviła zachoŭvajecca.
Drakachrust: A
jak vy miarkujecie — adkul heta ŭ Łukašenki?Jon nie siadzieŭ. Da taho ž, zdajecca, hetaja terminałohija — nakont «nachilać», «nahnuć» — uźnikła ŭ jaho pramovach niekalki hadoŭ tamu, raniej jon tak nie havaryŭ.
Moža, niejkija novyja ludzi ŭźnikli pobač ź im?
Ałkajeŭ: Ja taksama źviarnuŭ uvahu na toje, što ŭ jaho ŭźnikła takaja leksika.
Nie viedaju čamu — moža da psichijatraŭ treba źviarnucca, kab jany vysnovy zrabili. Ja sam vałodaju hetaj terminałohijaj, ale nikoli jaje nie vykarystoŭvaju —«nachilać» i inšaje. Na mianie pahladzieli b, jak na varjata, maŭlaŭ, čaho ty takija paraŭnańni pryvodziš? Jany dla mianie asabista abraźlivyja.
Drakachrust: A nakolki takaja leksika pryniataja ŭ razmovach pamiž saboj aficeraŭ pravaachoŭnych orhanaŭ?
Ałkajeŭ: Nie, nie pryniataja.
Publična ad aficera MUS vy takoje nikoli nie pačujecie.Heta nieprymalna.
Moža, niešta pamianiałasia za 10 hadoŭ, ale kali ja słužyŭ, takaja leksika ŭ publičnym abarocie nie vitałasia.
Tam da hetaha surjozna staviacca. I nia treba prymiarać na siabie temu, chvaravituju dla mnohich ludziej, jakija stali achviarami hvałtu.
Ja naahuł nie razumieju, navošta prezidentu heta na siabie prymiarać — mianie chočuć, mianie chočuć. Chiba pryhažun taki ci što?
Jak skłaŭsia los vypusknikoŭ, jakimi žurfak hanaryŭsia 10 hadoŭ tamu? Historyja adnaho ŭračystaha kałaža31
Kamientary