«Hramadzianin Paet» zaviaršyŭsia «hramadzianskaj panichidaj» z udziełam Procharava, Sabčak i Parfionava

«Hramadzianskaja panichida», pryśviečanaja zakryćciu satyryčnaha prajektu «Hramadzianin Paet», sabrała na apošnim kancercie «ńjuzikła» siabroŭ i navat niekatorych «achviaraŭ» paeta Dźmitryja Bykava i akciora Michaiła Jafremava ŭ maskoŭskim «Krokus Sici Chole» u paniadziełak viečaram.

Štopaniadziełak ź lutaha minułaha hoda na prastorach internetu źjaŭlaŭsia novy rolik, u jakim viadomy artyst Michaił Jafremaŭ čytaŭ złabadzionnyja vieršy nie mienš znakamitaha piśmieńnika Dźmitryja Bykava, stylizavanyja pad tvory kłasikaŭ. Ceły hod kožny novy rolik atrymlivaŭ niekalki sotniaŭ tysiač prahladaŭ, a taksama tysiačy kamientaroŭ i cytavańni ŭ sacsietkach. A ŭ červieni «Hramadzianin Paet» upieršyniu adbyŭsia ŭ «žyvym» farmacie na vinzavodach, zatym śpiektakli išli ŭ maskoŭskim teatry Estrady. Jak pieršy, tak i ŭsie nastupnyja kancerty prajektu prachodzili pry poŭnym sold out, adnak na samym piku papularnaści «Hramadzianin Paet» zajaviŭ ab svaim zakryćci adrazu paśla viasnovych vybaraŭ prezidenta RF.

«Prajekt pieršapačatkova byŭ raźličany na adzin hod i prymierkavany da kanca pieradvybarnaha hoda. Pakolki realnaść u Rasii paśla hetych vybaraŭ u lubym vypadku budzie inšaj, skončycca toj histaryčny pramiežak, u jakim «Hramadzianin Paet» moh mieć surjoznuju načynku. Zaraz budzie ci realnaść dyktatury, u jakoj patrebnyja bolš žorstkija srodki satyry, ci realnaść svabodnaj Rasii, u jakoj «Hramadzianin Paet» užo nie patrebny, a treba niešta inšaje «, — raspavioŭ RIA Naviny Bykaŭ.

U mierapryjemstvie, jakoje adbyłosia pozna ŭviečary ŭ paniadziełak, pryniali ŭdzieł Michaił Procharaŭ, Ksienija Sabčak, eks-muzyka «Ahaty Kryści» Hleb Samojłaŭ, teležurnalist Uładzimir Poźnier, muzyka Haryk Sukačoŭ, akcior Mikita Vysocki, režysior Andrej Kančałoŭski i aktrysa Lija Achiedžakava.

Pachavańnie prajektu davieryli Parfionavu, jaki ź intanacyjami dyktara savieckaha telebačańnia začytaŭ navinu, ale na hety raz ab śmierci Hienieralnaha sakratara CK KPSS Iosifa Stalina 5 sakavika 1953 hoda.

«Stvaralniki prajektu ŭhledzieli sakralny sens u tym, što śmierć „Hramadzianina Paeta“ supała ź śmierciu hienieralnaha sakratara», — adznačaje RIA «Naviny».

Paśla vystupu Jafremava ŭ vobrazie hienieralnaha sakratara hledačy ŭ pierapoŭnienym «Krokusie» zładzili artystam praciahłuju avacyju.

«Dziakuj, što vy tryvali nas ceły hod, my pieramožam!» — kryknuŭ na raźvitańnie Michaił Jafremaŭ sa sceny.

U kancy 2011 hoda «Hramadzianin Paet» atrymaŭ premiju «PolitProśviet», zasnavanuju dla pryciahnieńnia ŭvahi hramadstva da žurnalistaŭ, publicystaŭ i błohieraŭ, jakija svaimi publikacyjami robiać uniosak u palityčnuju aśvietu rasiejcaŭ.

• 0
• 0
• 0
• 0
• 0
• 0
• 0
• 0