Kiraŭniku prafsajuzu rabotnikaŭ radyjoelektronnaj pramysłovaści (REP) Zinaidzie Michniuk bresckii harvykankam zabaraniŭ pravodzić pikiet salidarnaści sa zvolnienym kiraŭnikom supołki niezaležnaha prafsajuza na pradpryjemstvie «Hranit» u Mikaševičach
Čynoŭniki zabaranili pikiet na toj padstavie, što Michniuk nie zaklučyła damovaŭ ź miedykami, kamunalnikami i milicyjaj, kab tyja absłuhoŭvali akcyju.
Adnak spadarynia Michniuk kaža, što hetyja słužby jašče sami nie viedajuć, jak zaklučać hetyja damovy: «My pajšli da kamunalnikaŭ, kamunalnik nas pasłaŭ na zavod pa pierapracoŭcy śmiećcia... Karaciej, nichto jašče nie zaklučaŭ nijakich damovaŭ, bo nichto nie viedaje, jak ich zaklučać. Chacia takoje patrabavańnie dziejničaje ad siaredziny 2011 hoda. A što, ułady nie pravodzili nijakaha mierapryjemstva abo praŭładnyja hramadskija arhanizacyi? Im nie patrebna, bačycie, zaklučać damovy, a nam treba...»
Spadarynia Michniuk raspaviała, što chacia pikiet zabaranili, znojducca inšyja formy salidarnaści z pracoŭnymi «Hranita».
«Tym bolej, my źjeździli ŭ Mikaševičy, i my viedajem, što hetych chłopcaŭ nie złamajuć, bo jany macniej za hranit. My pierakanalisia, što pracaŭniki «Hranitu» nie buduć tualetnaj papieraj dla načalstva», — kaža Zinaida Michniuk.
Pikiet salidarnaści z Aleham Stachajevičam planavaŭsia ŭ Breście 7 sakavika ŭ parku Voinaŭ-internacyjanalistaŭ. Spadarynia Michniuk płanavała, što ŭ im voźmie ŭdzieł da 50 čałaviek.
Aleh Stachajevič byŭ zvolnieny z pradpryjemstva «Hranit» u Mikaševičach paśla taho, jak ačoliŭ supołku niezaležnaha prafsajuza naprykancy 2011 hoda. Tady niekalki socień pracoŭnych vyjšli z aficyjnaha prafsajuza i stvaryli supołku Biełaruskaha niezaležnaha prafsajuza na pradpryjemstvie «Hranit».
-
Italjaniec pierajechaŭ u biełaruskuju viosku i pačaŭ piačy sapraŭdnuju picu na drovach
-
«90 čałaviek vyhnali pad piakučaje sonca i trymali tam try hadziny. Ja paŭtarała tolki adnu malitvu: niachaj im usio vierniecca»
-
Ci chopić sioleta €2000, kab adpačyć na mory? Što adbyvajecca z cenami na letni adpačynak
Jak skłaŭsia los vypusknikoŭ, jakimi žurfak hanaryŭsia 10 hadoŭ tamu? Historyja adnaho ŭračystaha kałaža31
Kamientary