Vyšahradskaja hrupa zaniepakojena paharšeńniem adnosinaŭ ES ź Biełaruśsiu

Situacyja ŭ Biełarusi abmiarkoŭvałasia ministrami zamiežnych spraŭ krain Vyšahradskaj hrupy i krain Uschodniaha partniorstva ŭ Prazie 5 sakavika.

Udzielnikami sustrečy stali pradstaŭniki Vienhryi, Polščy, Čechii, Słavakii (Vyšahradskaja hrupa), Armienii, Azierbajdžana, Hruzii, Małdovy, Ukrainy (Uschodniaje partniorstva), a taksama pradstaŭniki Łatvii, Litvy, Estonii, Danii, Viarchoŭny pradstaŭnik ES pa pytańniach źniešniaj palityki Ketryn Eštan i kamisar ES pa pytańniach pašyreńnia Štefan Fiule.

U sumiesnaj zajavie kiraŭniki MZS krain Vyšahradskaj hrupy vykazana zaniepakojenaść paharšeńniem adnosinaŭ pamiž Jeŭrasajuzam i Biełaruśsiu, adsutnaściu prahresu ŭ śfiery pravoŭ čałavieka ŭ Biełarusi, a taksama represijami z boku ŭład u dačynieńni da apazicyi i hramadzianskaj supolnaści,

Ministry padkreślivajuć: adnaŭleńnie dyjałohu z aficyjnym Minskam mahčymaje tolki pry ŭmovie źmianieńnia jaho palityki, vyzvaleńnia i reabilitacyi ŭsich palitźniavolenych.

Pres-słužba MZS Čechii taksama paviedamlaje, što padčas sustreč było abjaŭlena ab novaj inicyjatyvie pad nazvaj "Uschodniaje partniorstva Vyšahradskaj hrupy" (Visegrad 4 Eastern Partnership). Jana nacelena na padtrymku palityčnych i ekanamičnych reform u krainach-udzielnicach Uschodniaha partniorstva, na paskareńnie palityčnaha supracoŭnictva i ekanamičnaj intehracyi pamiž imi i ES. Inicyjatyva budzie finansavacca Mižnarodnym fondam Vyšahradskaj hrupy.

Nahadajem, pradstaŭniki Biełarusi nie brali ŭdzieł u pražskaj sustrečy. Jak paviedamiŭ BiełaPAN pres-sakratar Ministerstva zamiežnych spraŭ Čechii Vit Kołarž, biełaruski bok byŭ zaprošany na ŭzroŭni namieśnika ministra zamiežnych spraŭ, ale vyrašyŭ nie karystacca takim zaprašeńniem.

U svaju čarhu pres-sakratar biełaruskaha MZS Andrej Savinych zajaviŭ: "My pryniali rašeńnie nie brać udzieł u hetym mierapryjemstvie. Udavacca ŭ detali nie majem namieru".

Sustreča ŭ Prazie prachodziła na fonie dypłamatyčnaha kanfliktu pamiž Minskam i Brusielem.

27 lutaha Saviet ministraŭ zamiežnych spraŭ krain ES pryniaŭ rašeńnie pašyryć śpis nieŭjaznych u krainy Jeŭrasajuza pradstaŭnikoŭ biełaruskaj dziaržavy i ŭklučyć u jaho jašče 21 proźvišča. 28 fievrala biełaruskija ŭłady rekamiendavaŭ kiraŭniku pradstaŭnictva Jeŭrasajuza Majry Mora i pasłu Polščy Lešaku Šarepku "vyjechać u svaje stalicy dla kansultacyj, kab davieści svajmu kiraŭnictvu ćviorduju pazicyju biełaruskaha boku ab nieprymalnaści nacisku i sankcyj". U adkaz na heta ŭsie krainy ES adklikali svaich pasłoŭ ź Minska.

Vyšahradskaja hrupa była stvorana 15 lutaha 1991 hoda na sustrečy prezidentaŭ Vienhryi, Polščy i Čechasłavakii ŭ Vyšahradzie (Vienhryja). Sajuz Vienhryi, Polščy, Słavakii i Čechii adlustroŭvaje imknieńnie hetych centralnajeŭrapiejskich dziaržaŭ supracoŭničać pa šerahu kirunkaŭ, jakija ŭjaŭlajuć uzajemnuju cikavaść, u miežach jeŭrapiejskaj intehracyi.

• 0
• 0
• 0
• 0
• 0
• 0
• 0
• 0