Pra heta jon zajaviŭ padčas sustrečy ź ministram zamiežnych spraŭ Irana.
«My aktyŭnyja praciŭniki ŭsialakaha dyktatu i naviazvańnia voli zvonku. My suprać taho, kab suvierennaj, niezaležnaj dziaržavie z boku pakazvali, jak joj raźvivacca i ŭ jakim napramku. Upeŭnieny, što tak razumiejuć heta i ŭ Iranie», — padkreśliŭ jon, sustrakajučysia ŭ Minsku ź ministram zamiežnych spraŭ Irana Ali Akbaram Salechi.
«Luboje kiraŭnictva luboj krainy pavinna być nacelena na toje, kab było lepš i stabilniej žyć hramadzianam hetaj krainy. I ja viedaju, što vaš prezident, i parłamient, i duchoŭny lidar naceleny mienavita na heta, i my takuju palityku padtrymlivajem», — dadaŭ Alaksandr Łukašenka.
Jon adznačyŭ, što ŭ Biełarusi vielmi ŭvažliva sočać za situacyjaj vakoł Irana. «Jana nam nie abyjakavaja. My vielmi razumiejem i spačuvajem ŭsiamu tamu, što adbyvajecca vakoł Irana, bo i sami časam adčuvajem chaj nie takija žorstkija napadki na našu krainu, ale tym nie mienš», — skazaŭ Łukašenka.
Alaksandr Łukašenka skazaŭ, što ŭ jaho skłalisia vielmi dobryja i ciopłyja adnosiny z kiraŭnikom Irana i jaho duchoŭnym lidaram. «Vielmi spadziajusia, što paśla parłamienckich vybaraŭ, jakija, na ščaście, prajšli ŭ vas narmalna, Iran stanie jašče stabilniej, mabilniej i budzie skiravany ŭ budučyniu ŭ imia svaich hramadzian», — adznačyŭ jon.
Ciapier čytajuć
«Miesiacami ŭ kabinie, na siabie zabiŭ. I staŭ pytać: moža, žonka taksama budzie pracavać?». Čamu emihracyja raźbivaje siemji i što rabić, kab usio papravić4040
Kamientary