U Minsku prajšli pieramovy ministraŭ zamiežnych spraŭ Biełarusi i Irana.
6 sakavika ŭ Minsku prajšli pieramovy ministraŭ zamiežnych spraŭ Biełarusi Siarhieja Martynava i Irana Ali Akbara Salechi. Pieramovy adbylisia padčas vizitu Salechi ŭ Minsk, jaki praciahniecca da 7 sakavika.
«Naša supracoŭnictva z vami nosić kompleksny šmatbakovy charaktar. Ekanomiki Biełarusi i Irana ŭ mnohim uzajemadapaŭnialnyja. Iran — važny partnior Biełarusi», — padkreśliŭ Martynaŭ.
Pavodle jaho słoŭ, sustreča i pieramovy ŭ Minsku buduć aznačać novy dalejšy etap u supracoŭnictvie dźviuch dziaržaŭ.
«Nam jość što abmierkavać, z tym kab supracoŭnictva słužyła ŭmacavańniu ekanomik dźviuch krain, dabrabytu dvuch narodaŭ i ŭmacavańniu miru ŭ rehijonach», — zaznačyŭ ministr zamiežnych spraŭ Biełarusi.
U svaju čarhu kiraŭnik iranskaha źniešniepalityčnaha viedamstva padkreśliŭ važnaść dalejšaha raźvićcia supracoŭnictva ź Biełaruśsiu.
Nahadajem, dypłamatyčnyja adnosiny pamiž Respublikaj Biełaruś i Isłamskaj Respublikaj Iran ustanoŭleny ŭ sakaviku 1993 hoda. U śniežni 1997 hoda ŭ Iranie adkryta pasolstva Respubliki Biełaruś. Ź lutaha 2001 hoda ŭ Minsku pracuje pasolstva Irana.
Jak skłaŭsia los vypusknikoŭ, jakimi žurfak hanaryŭsia 10 hadoŭ tamu? Historyja adnaho ŭračystaha kałaža31
Kamientary