Aleś Bialacki dasłaŭ pieršuju viestku z Babrujskaj kałonii.
Žonka palityčnaha źniavolenaha, kiraŭnika začynienaj uładami pravaabarončaj arhanizacyi «Viasna» Alesia Bialackaha Natalla Pinčuk atrymała ad jaho pieršuju paštoŭku z Babrujskaj kałonii.
Bialacki pieraviedzieny ŭ Babrujsk z Žodzinskaha SIZA. Padčas etapu ad Bialackaha nijakich listoŭ nie było. Paštoŭka z kałonii datavana 29 lutym. Pa słovach Natalli Pinčuk, paštoŭka vielmi karotkaja, ale važnaja dla jaje.
— Daŭno ŭžo čakała hety list, hetaje paviedamleńnie ab tym, što jon sapraŭdy moža pisać, što jon žyvy i ŭ hetym sensie dla mianie heta važnaja padzieja.Jon paviedamlaje, što jaho davieźli da miesca pryznačeńnia narmalna, ciapier asvojvajecca.
Aleś Bialacki pryhavorany da 4 hadoŭ i 6 miesiacaŭ źniavoleńnia ŭ kałonii ŭzmocnienaha režymu z kanfiskacyjaj majomaści. Prysud byŭ vyniesieny 24 listapada 2011 hoda sudździoj Pieršamajskaha rajonnaha suda Minska Siarhiejem Bandarenkam.
***
Dasłać list ci paštoŭku palitviaźniu, pavinšavaŭšy jaho, naprykład, z budučym Dniom Voli, možna (i varta) na nastupny adras:
Vypraŭlenčaja kałonija № 2. 213 800, Mahiloŭskaja vobł., h. Babrujsk, vuł. Sikorskaha, 1.
Bialackamu Alaksandru Viktaraviču.
-
Italjaniec pierajechaŭ u biełaruskuju viosku i pačaŭ piačy sapraŭdnuju picu na drovach
-
«90 čałaviek vyhnali pad piakučaje sonca i trymali tam try hadziny. Ja paŭtarała tolki adnu malitvu: niachaj im usio vierniecca»
-
Ci chopić sioleta €2000, kab adpačyć na mory? Što adbyvajecca z cenami na letni adpačynak
Jak skłaŭsia los vypusknikoŭ, jakimi žurfak hanaryŭsia 10 hadoŭ tamu? Historyja adnaho ŭračystaha kałaža31
Kamientary