Usie piečniki, vidać, z MNS raźbiehlisia.
Apošnim časam biessensoŭna stała pakidać kamientary na sajtach rajonnych haziet. Razharnułasia takaja baraćba za sterylnaść — maderatary padčyściać navat samyja, na ich pohlad, minornyja vodhuki. Ciapier prašu Vas mianie vysłuchać.
Ja sprabuju dastukacca z prablemaj, jakaja tyčycca ci nie kožnaha viaskoŭca, vostraj, nieadkładnaj.
Pavalili ŭ ŚMI repartažy pra toje, što to tam, to siam adbyłosia ŭzharańnie sielskaha žyłoha doma pa pryčynie «niaspraŭnaści piačnoha aciapleńnia».
I chto tam, prabačcie, śpiašajecca zafiksavać fakt pažaru? Tak, jany: dobryja i mocnyja chłopcy z MNS. Pa sutnaści — «śviaščennaja karova»: bo jany zaŭsiody pobač. Jany zaŭsiody dapamohuć. Jany dobra ekipiravany. Jany viedajuć svaju spravu.
Što ž nasamreč?
Leta 2011 adznačyłasia «błukańniami» pažarnaj «latučki» pa našym nasielenym punkcie. Zrazumieła, biudžetniki. Treba davać spravazdaču za srodki, skaračać vydatki... Niekatorych starych papiaredzili ab ramoncie piačnych trub, «inakš schłapočacie štraf».
Dobra, choć i pražyvaju ź viasny pa vosień «na rajonie», treba było b i mnie pieč ramantavać. Paŭstahodździa ŭžo starajecca.Uspaminaju: MNS vielmi žvava (niekali) davała ŭ rajonnaj presie abjavy ab svaich pasłuhach: supraćpažarnaja apracoŭka kanstrukcyj i h.d. Dekłaravali jany i pasłuhu «ramont piečaŭ». Ale nivodzin piačnik nie braŭsia «raźbić» staruju pieč i skłaści novuju tańniej za 1,5 miljona rubloŭ (u 2011). Usie piečniki, vidać, z MNS raźbiehlisia. Praź śmiechatvornyja akłady. Moža, u Rasiju. Moža, u inšyja haliny narodnaj haspadarki.
Takim čynam, ja źviarnuŭsia ŭ Kapylskaje i Niaśvižskaje MNS: «Zrabicie pieč, prahareła topka, vuhli vysypajucca ŭ bok draŭlanaj ściany doma ...»
Biessensoŭna.
Nie. Nie mohuć! Niama śpiecyjalistaŭ ...
Da čaho tady hetyja, prabačcie, «pažarnyja zvodki», pradpisańni ab załadcy stykaŭ komina, abkładki aźbiestacemientavych kominaŭ cehłaj, ustalavańni pažarnych apaviaščalnikaŭ? Dziakuj Bohu, sumleńnie nie dazvalaje pakul štrafavać starych. Hetyja vypaŭzajuć sa svaich starych chatak, kali im pakazvajuć, jakija nieabchodna vyrabić «supraćpažarnyja mierapryjemstvy».
Kali ja zaprasiŭ, narešcie, pryvatnaha piečnika, to da mianie «vałam pavalili» susiedzi... Ale ja ž braŭ na ramont piečki kredyt najaŭnymi! A tak by nie zdužaŭ hetyja pracy. Bo treba zamović i pryvieści hlinu — z adnaho miesca, piasok — ź inšaha...
U vyniku mantaž novaj piečki «zžor» usiu sumu kredytu ŭ 500 dalaraŭ, i hety kredyt płaču pa siońnia...
Što mnie było adkazać tady, letam 2011, susiedcy, jakaja płakała, u jakoj z komina cehła syplecca na hałavu i jakaja na ramont piečki sabrała ŭsiaho 600 tysiač?! Piačnik ni ŭ jakuju nie zachacieŭ pracavać za hetyja hrošy ... I papraknuć jaho hrech: baču, praca ciažkaja, brudnaja, kłopatnaja. Pryviazi, zamiašaj, padciahni ... Cahliny pasartyruj: na topku — paščylniej... Praca hetaja tolki dla muskulistych chłopcaŭ. Voś takich, naprykład, jakija pracujuć u MNS.
Kamientary