Čytalnica (La Lectrice)
Francyja, 1988, kalarovy, 97 chv.
Režyser: Mišel Devil
Roli vykonvajuć: Miŭ-Miŭ, Patryk Šene, Krystyjan Ruše, Silvi Łaport, Mišel Raskin, Brydžyt Kacijon, Maryja Kazares, Pjer Dziuks
Žanr: Iraničnaja drama
Adznaka: 7,5 (z 10)
Hałoŭny pryz u Manreali, pryz "Sezar" aktoru Patryku Šene.
Maładaja žančyna Kanstans hartaje raman “Čytalnica” – i atajasamlivaje siabie z hierainiaj Mary. Mary najmajecca čytalnicaj da samych roznych ludziej, što pryvodzić da ŭsialakich pryhodaŭ.
Mary-Kanstans pieknaja, u jaje pryjemny hołas – i jana vydatna deklamuje.
Juny invalid lubić słuchać Mapasana, udava hienerała – natchniajecca Karłam Marksam (i asabliva jahonymi razvahami pra zołata!), biznesoviec addaje pieravahu Marharyt Dziuras, a siabry miascovaha mahistratu ŭpadabajuć markiza de Sada...
Iraničnaja hulnia ź litaraturnymi tekstami, čytalnickaje kakiectva, daścipnyja namioki – i volnyja vandroŭki ad adnaho słuchača da druhoha.
Čytańnie – i kinaprahlad – jak niebiaśpiečna-niazmušanaja vandroŭka, jakaja zavieršycca ...kamunistyčnaj demanstracyjaj, pryznańniem u kachańni i nieprystojnymi pozirkami. Ale – heta terytoryja ŭjaŭleńnia, dzivosnaje śplacieńnie fantazii j realnaści, udarnyja satyryčnyja kpiny – i lohkaść hulni, jakuju daje čystaje litaratura i čystaje kino.
