Rajonny adździeł śledčaha kamiteta paśla praviedzienaj pravierki zavioŭ kryminalnuju spravu pa artykule «Zhvałtavańnie» ŭ adnosinach da35-hadovaha žychara adnoj ź viosak Astravieckaha rajona. Mužčynu padazrajuć u tym, što jon zhvałtavaŭ ułasnuju13-hadovuju dačku.
Prakuror rajona Alaksandr Marcinčyk daŭ sankcyju na aryšt zatrymanaha, i ciapier mužčyna znachodzicca ŭ izalatary. Viaducca śledčyja dziejańni. U intervju našamu vydańniu Alaksandr Marcinčyk paviedamiŭ papiaredniuju infarmacyju pa hetaj historyi.
Ab tym, što muž zhvałtavaŭ dačku, u milicyju 4 sakavika zajaviła maci dziaŭčynki. Pavodle hetaj zajavy, dačka sama pryznałasia maci ŭ tym, što zdaryłasia.
Pravaachoŭniki adrazu raspačali pravierku hetaj infarmacyi. Dapytali i zajaŭnicu, i jaje muža. Kali vyrašałasia pytańnie ab zaklučeńni padazronaha pad stražu, Alaksandr Marcinčyk sam razmaŭlaŭ ź im. Mužčyna pryznaŭ siabie vinavatym.
Adzinaj pryčynaj svaich dziejańniaŭ jon nazvaŭ stan ałkaholnaha apjanieńnia. Raskazaŭ, što raniej kadziravaŭsia, a pierad złačynstvam čatyry dni byŭ u zapoi.
Spravu zaviali 7 sakavika. Kryminalny kodeks za zhvałtavańnie zaviedama niepaŭnaletniaj praduhledžvaje pakarańnie — pazbaŭleńnie svabody na termin ad piaci da trynaccaci hadoŭ.
Piać faktaŭ pra Natallu Piatkievič — samuju ŭpłyvovuju čynoŭnicu Biełarusi da źjaŭleńnia Kačanavaj i Ejsmant26
Kamientary