Čarhovaje padzieńnie na rejki ŭ minskim mietro: mužčynu ŭdałosia vyratavać

U Minsku ŭviečary 18 sakavika na rejki mietrapalitena zvaliŭsia mužčyna, paviedamiŭ karespandentu BiełTA staršy pamočnik prakurora Minska pa pravavym zabieśpiačeńni, infarmacyi i hramadskich suviaziach Siarhiej Bałašoŭ.

Incydent adbyŭsia na stancyi mietrapalitena «Płošča Lenina». Mužčyna 1981 hoda naradžeńnia — žychar Barysava — zvaliŭsia na rejki z-za raptoŭnaha paharšeńnia samaadčuvańnia.

Supracoŭniki stancyi apieratyŭna adklučyli napruhu na kantaktnaj rejcy. Mužčynu padniali navierch. Napruhi nie było ŭsiaho try chviliny, i zbojaŭ u hrafiku ruchu ciahnikoŭ incydent za saboj nie paciahnuŭ.

Z pačatku hoda ŭ minskim mietro zdaryłasia piać takich incydentaŭ.

U minskaj padziemcy pačaścilisia vypadki padzieńnia pasažyraŭ na rejki. Usiaho sioleta zafiksavana šeść padobnych incydentaŭ, try ź jakich zdarylisia ŭ pieršuju dekadu sakavika.

Vosień 2011 dla supracoŭnikaŭ mietro taksama była niaprostaj. Na rejkach padziemki zahinuli dva čałavieki (u tym liku 16-hadovaja dziaŭčyna), adzin čałaviek byŭ traŭmavany. U

pačatku śniežnia ŭ Minharvykankamie prajšła narada z udziełam kiraŭnictva «Minsktransa». Na joj havaryłasia pra nieabchodnaść vyklučyć mahčymaść padzieńnia pasažyraŭ na rejki niezaležna ad pryčyn zdareńnia. Pry hetym viałosia pra vyvučeńnie zamiežnaha vopytu.

Uličvajučy, što na najaŭnych stancyjach technična składana ŭstalavać śpiecyjalnyja aharodžy, było prapanavana abstalavać imi budučyja stancyi. Pačać vyrašyli sa stancyi «Malinaŭka», zapusk jakoj zapłanavany na kaniec 2013. Partnioram biełarusaŭ u hetym prajekcie, mahčyma, vystupić adna ź japonskich firmaŭ.

Vy ŭpali na rejki — što rabić

Kali ciahnik nabližajecca, vam nieabchodna lehčy ŭ žołab pamiž rejkami, pažadana hałavoj da ciahnika i na žyvot, prycisnucca da ziamli i nachilić hałavu.

Kali ciahnika niama, pakličcie na dapamohu, paprasicie paviedamić pra zdareńnie supracoŭnikam stancyi. I idzicie pa chodu ruchu ciahnika ŭ pačatak płatformy. Tam jość pałasataja pieramyčka pamiž rejkami. Heta adnosna biaśpiečnaje miesca. Padavajcie sihnały mašynistu ciahnika lichtarykam, ekranam telefona abo flikieram.

Ni ŭ jakim razie nie sprabujcie vykaraskacca samastojna — nastupiŭšy na kantaktnuju rejku, što znachodzicca z boku płatformy, vy možacie zahinuć ad udaru elektryčnym tokam.

Vy ŭbačyli, što niechta ŭpaŭ na rejki — kličcie na dapamohu supracoŭnikaŭ stancyi, patłumačcie paciarpiełamu, što jamu rabić (lehčy ŭ žołab ci iści ŭ pačatak płatformy ŭ zaležnaści ad situacyi). Nie sprabujcie samastojna vyciahnuć čałavieka na płatformu z boku kantaktnaj rejki.

Chronika padzieńniaŭ u mietro

10 studzienia maładaja dziaŭčyna skočyła na rejki na stancyi «Niamiha». Dziakujučy supolnym dziejańniam pasažyraŭ i supracoŭnikaŭ stancyi dziaŭčynu vyratavali.

3 lutaha na st. «Kastryčnickaja» stała kiepska 40-hadovaj žančynie. Jana ŭpała na rejki. Žančynie paščaściła — svoječasova adreahavali supracoŭniki mietro. Pry padzieńni jana ŭdarałasia kalenam.

3 sakavika z-za kiepskaha samaadčuvania na st. «Partyzanskaja» na rejki ŭpała 24-hadovaja žycharka Mazyra. Jana atrymała traŭmy.

6 sakavika na st. «Kuncaŭščyna» pad ciahnik kinuŭsia 32-hadovy mužčyna i byŭ mocna traŭmavany. Jon niadaŭna pachavaŭ baćku, a za dzień da zdareńnia ŭ mietro ŭčyniŭ pahrom na pracy.

10 sakavika na st. «Uschod» na rejki ŭpaŭ 33-hadovy mužčyna. Zdaryłasia heta pa jahonaj nieaściarožnaści, mužčyna surjozna nie paciarpieŭ.

Zamiežny dośvied

Najbolš blizkaje pa svaich charaktarystykach da minskaj padziemki — varšaŭskaje mietro. Tut na stancyjach taksama jość admysłovyja linii kala kraju płatformy. Jany pafarbavanyja ŭ žoŭty koler i majuć buhry. Padobnaje afarmleńnie linij možna pabačyć i ŭ Minsku, naprykład, na stancyi «Maskoŭskaja». Akramia taho, u varšaŭskim mietro pra nabližeńnie ciahnika i nieabchodnaść adyści ad kraju płatformy paviedamlajuć z admysłovych ekranaŭ.

• 0
• 0
• 0
• 0
• 0