AHP zajaviła pra ŭdzieł u vybarach sa źniaćciom 45

Paviedamiŭ 20 sakavika na pres-kanfierencyi ŭ Miensku lidar AHP Anatol Labiedźka.

Jon udakładniŭ, što partyja budzie vyłučać nie kandydataŭ jak takich, a «śpikieraŭ — ludziej, jakija daniasuć da biełarusaŭ pasłańnie AHP». «Heta pasłańnie prostaje: niama svabodnych vybaraŭ u Biełarusi, jak śledstva — niama viz, niama ekanamičnych prefierencyj, niama hrošaj u vašych hamancach», — zajaviŭ Labiedźka.

Pa słovach palityka, hałoŭnaja zadača kandydata-śpikiera — infarmavać jak maha bolšuju kolkaść ludziej. Kandydaty ŭ deputaty buduć vykarystoŭvać mahčymaści dziaržaŭnaha telebačańnia i radyjo, ale nie buduć vykarystoŭvać dziaržaŭnyja hrošy, vydzielenyja im dla druku ŭlotak. «Nijakija dziaržaŭnyja fondy vykarystoŭvacca nie buduć», — skazaŭ jon.

Razam z tym kandydaty ŭ deputaty ad AHP vykarystoŭvajuć svajo prava stvarać dobraachvotnyja fondy dla svajoj padtrymki, dadaŭ Labiedźka.

Što tyčycca dziaržaŭnych ŚMI, to palityk adznačyŭ: «U nas jość pa piać chvilin na telebačańni i na radyjo, u nas jość harantavanaje miesca ŭ dziaržaŭnych hazietach — hetym treba skarystacca».

Pa słovach Labiedźki, kandydaty-śpikiery musiać źniacca z vybarčaj honki za piać dzion da vybaraŭ.

Namieśnik staršyni AHP Leŭ Marholin zaprasiŭ usich, chto padzialaje kaštoŭnaści AHP, dałučacca da płanaŭ partyi. «Kali kamu jość što skazać, jon moža ŭstupić u AHP, potym pravieści kampaniju i vyjści z AHP. Heta nie zabaraniajecca», — skazaŭ Marholin.

0

0

0

0

0

0

belsat.eu

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH