Pra heta paviedamiła siońnia žurnalistam načalnik adździeła mietearałahičnych prahnozaŭ Respublikanskaha hidramieteacentra Śviatłana Rybakova.
Miesiačnaja tempieratura pavietra ŭ krasaviku pavyšajecca ŭ paraŭnańni z sakavikom na 7–8 hradusaŭ i składaje ŭ siarednim plus 5,8 hradusa. U sioletnim krasaviku tempieratura pavietra čakajecca kala klimatyčnaj normy, a kolkaść apadkaŭ u miežach siarednich šmathadovych značeńniaŭ. Pavodle prahnozaŭ, siaredniaja tempieratura pieršaj dekady krasavika składzie plus 3,1 hradusa, druhoj — plus 5,8 hradusa, treciaj — 8,5 hradusa ciapła.
Apošnija siem hadoŭ krasavik byŭ na 1–3 hradusy ciaplejšy, čym zvyčajna.Samym chałodnym byŭ krasavik u 1955 hodzie — siaredniaja tempieratura skłała 2,5 hradusa ciapła, a samym ciopłym akazaŭsia krasavik 2000 hoda — tempieratura pavietra była amal 11 hradusaŭ ciapła. Absalutny maksimum tempieratur u krasaviku skłaŭ plus 30,7 hradusa i byŭ adznačany ŭ Breście 24 krasavika 1950 hoda. U Minsku ŭ hety dzień było plus 26 i heta była samaja vysokaja tempieratura krasavika ŭ biełaruskaj stalicy za ŭvieś pieryjad nazirańniaŭ. Samyja chałodnyja dni ŭ krasaviku byli zarehistravany 5 krasavika 1956 hoda ŭ Aziaryščy — 20,8 hradusa marozu, a ŭ Minsku ŭ 1923 hodzie — minus 18,4 hradusa. U krasaviku ŭ siarednim vypadaje 44 mm apadkaŭ, što adpaviadaje klimatyčnaj normie. Ale ŭ krasaviku 1975 hoda vypała 83 mm (amal dźvie miesiačnyja normy), a krasavik 1974 hoda byŭ samym suchim — 9 mm apadkaŭ.
0
0
0
0
0
0
