Fota 112.by
Prakuratura Minska paviedamiła padrabiaznaści rasśledavańnia rezanansnaj avaryi na praśpiekcie Niezaležnaści ŭ noč na 7 studzienia 2011 hoda, paviedamlaje partał Auto.onliner.by.
Nahadajem, što tady kiroŭca BMW nie spraviŭsia z kiravańniem. Spačatku mašyna začapiła bardziur, a zatym ŭrezałasia ŭ aharodžu padziemnaha pierachodu i zaharełasia. U aŭto znachodzilisia try čałavieka — aficery rasijskaj armii.
Zhodna vynikaŭ rasśledavańnia, na momant avaryi lehkavik ruchaŭsia z chutkaściu 153,8 km/h. Pry ŭdary ab kanstrukcyju padziemnaha pierachoda niepryšpilenyja ramianiami biaśpieki pasažyry vypali z sałona aŭto. Adzin ź ich upaŭ na hazon i ad atrymanych ranieńniaŭ zahinuŭ na miescy. Druhi pasažyr upaŭ na prystupki pierachoda, ale cudam zastaŭsia žyvy.
Jak ustanaviła ekśpiertyza, kiroŭca aŭto zahinuŭ nie ad traŭmaŭ, atrymanych u avaryi, a ad apiokaŭ. Na momant zdareńnia jon byŭ niećviarozy. Kryminalnaja sprava spynienaja pa pryčynie śmierci kiroŭcy.