Minhandal sumiesna z MUS buduć pravodzić rejdy pa vyjaŭleńni nielehalnych stancyj techničnaha absłuhoŭvańnia (STA). Pra heta napres-kanfierencyi 20 sakavika ŭ Minsku paviedamiła namieśnik ministra handlu Iryna Narkievič.
Jana zaznačyła, što «rejdy buduć raptoŭnymi, pra ich nie buduć infarmavać miascovyja ŭłady».
Pavodle źviestak Narkievič, da 50% pasłuh pa ramoncie aŭtamabilaŭ ažyćciaŭlajuć nielehalnyja STA. «My ŭ apošnija dva hady kansalidavali namahańni ŭsich zacikaŭlenych dziaržorhanaŭ dla vyrašeńnia prablemy nielehalnych STA», — skazała jana.
U 2011 hodzie roznyja kantrolnyja orhany praviali 3.630 pravierak. Jany taksama adsočvali dziejnaść STA,
Pavodle słoŭ namieśnika ministra, «šmat zroblena ŭ śfiery narmatyŭnaha rehulavańnia hetaha siehmienta: stvorany praviły absłuhoŭvańnia, u pryvatnaści vyznačany praviły akazańnia techpasłuh na darozie (chutkaja dapamoha), stvorany standarty pa absłuhoŭvańni transpartnych srodkaŭ, što dazvoliła arhanizoŭvać STA nie tolki dyleram tych ci inšych aŭtamabilnych marak». «Ale heta dazvolena pry najaŭnaści kvalifikavanych kadraŭ i adpaviednaha abstalavańnia. Aprača taho, raspracavany budaŭničyja normy prajektavańnia STA», — padkreśliła Narkievič.
Jana taksama paviedamiła, što budzie praciavacca rastłumačalnaja praca suprać šerych STA. «Heta biaśpieka hramadzian. Kali čałaviek addaje ŭ padvał abo niejki haraž svoj aŭtamabil, heta nie harantuje jaho biaśpieku, mohuć admović i tarmazy», — zaznačyła namieśnik ministra.
Pavodle acenki ekśpiertaŭ, siońnia ŭ Biełarusi lehalna akazvajuć pasłuhi STA 3.419 IP i 2.600 jurasob.
