U vypadku sankcyj Jeŭrasajuza suprać Biełarusi Łatvija nie budzie pryncypova piarečyć i dałučycca da ahulnaj dumki ES. Pra heta zajavili pradstaŭniki ŭrada.
Pytańnie pra mahčymyja sankcyi suprać Biełarusi razhladałasia ŭ aŭtorak na zakrytaj častcy pasiadžeńnia ŭrada.
Paśla pasiadžeńnia v.a. ministra zamiežnych spraŭ ministr abarony Arcis Pabryks zajaviŭ, što Łatvija nie chacieła b, kab u vyniku nieabhruntavanych sankcyj Biełaruś addaliłasia ad ES, tak jak heta pytańnie ahulnaj biaśpieki. Taksama niepradumanyja ekanamičnyja sankcyi mohuć pryčynić škodu łatvijskaj ekanomicy.
«Adnak padziei apošnich dzion u Biełarusi źmianšajuć šerahi jaje prychilnikaŭ u ES», — skazaŭ ministr, patłumačyŭšy, što maje na ŭvazie pakarańnie dvuch asudžanych za vybuch u minskim mietro.
Jon adznačyŭ, što pa pytańni nakont sankcyj suprać Biełarusi ŭ ES jašče čakajuć ciažkija dyskusii, ale jon nie vyklučaje, što Łatvii daviadziecca ličycca ź viadomymi abmiežavańniami i sankcyjami ŭ dačynieńni da susiedniaj krainy.
U ES zaraz składajecca śpis łajalnych biełaruskamu režymu pradpryjemstvaŭ, i nie vyklučana, što heta paŭpłyvaje i na biźnies u Łatvii.
«Adnak abjom i straty ŭ vyniku mahčymych sankcyj nie takija vialikija, jak publična abvieščanyja niekalki adsotkaŭ ad VUP, choć my nie chočam i hetych strat», — skazaŭ Pabryks.
Pytańnie ab sankcyjach ministry ES buduć abmiarkoŭvać 23 sakavika, ale Łatvija nie ličyć, što joj treba vykarystoŭvać prava vieta.
Prem'
Jon padkreśliŭ, što ŭ ministraŭ ŭrada, jakija pradstaŭlajuć kaalicyjnyja partyi, była adzinaja pazicyja pa hetym pytańni.
