28 lutaha Statystyčnaja słužba Eŭrapiejskich supolnaściaŭ (Eŭrastat) apublikavała studzieńskija dadzienyja ŭzroŭniu biespracoŭja ŭ zonie eŭra i ŭ EZ u cełym.
Zhodna z apublikavanymi dadzienymi, u studzieni 2007 h. uzrovień biespracoŭja ŭ zonie eŭra składaŭ 7,4 %, što na 0,1 % mieniej za pakazčyk śniežnia 2006 h. Hod tamu (studzień 2006 h.) hety pakazčyk składaŭ 8,3 %.
Uzrovień biespracoŭja ŭ EZ u cełym składaŭ u studzieni 7,5 %. U śniežni 2006 h. jon składaŭ 7,6 %, a ŭ studzieni 2006 h. – 8,3 %.
Samyja nizkija pakazčyki biespracoŭja ŭ EZ byli zafiksavanyja ŭ Danii (3,2 %), Niderlandach (3,6) i Estonii (4,2). Najmienš pracaŭładkavanymi źjaŭlajucca hramadzianie Polščy (uzrovień biespracoŭja – 12,6 %), Słavakii (11) i Hrecyi (8,7).
Dla paraŭnańnia, uzrovień biespracoŭja ŭ ZŠA składaje 4,6 % (studzień 2007), u Japonii – 4,1 % (śniežań 2006).
Kamientary