Miesiačny prajazny na ŭsie vidy transpartu ŭ Minsku budzie kaštavać 111 tys. rubloŭ
Miesiačny prajazny na ŭsie vidy transpartu ŭ Minsku z 5 krasavika budzie kaštavać bolš za 111 tysiač rubloŭ (raniej — 92.300).
Jak paviedamlałasia raniej, z zaŭtrašniaha dnia prajezd na ŭsich vidach hramadskaha transpartu stalicy daražeje z 1.300 da 1.500 rubloŭ. Pry kupli ŭ vadziciela tałon budzie kaštavać 1.700 rubloŭ, a pajezdka na ekspresnym aŭtobusie abydziecca ŭ 2.100 rubloŭ.
Novyja taryfy ŭstanoŭleny ŭ adpaviednaści z rašeńniem Minharvykankama, apublikavanym 4 krasavika ŭ haziecie «Minskij kuŕjer».
Miesiačny prajazny na adzin vid transpartu budzie kaštavać 61.600 rubloŭ (raniej — 51.200), na dva — 82.400 (68.400), na try — 98.200 (81.600).
Nahadajem, z 1 listapada minułaha hoda ŭ Minsku admieniena rehulavańnie taryfaŭ na aŭtamabilnyja pieravozki pasažyraŭ u maršrutnych taksi. Jurydyčnyja asoby i indyvidualnyja pradprymalniki majuć prava samastojna ŭstanaŭlivać taryfy na takija pieravozki «na asnovie płanavych raschodaŭ, padatkaŭ i inšych abaviazkovych płaciažoŭ, ustanoŭlenych zakanadaŭstvam, i prybytku, z ulikam kanjunktury rynku, raźličanaj zychodziačy z narmatyvu rentabielnaści nie bolš za 15%».
Apošni raz taryfy na prajezd u hramadskim transparcie Minska pavialičvalisia ŭ listapadzie 2011 hoda — z 950 da 1.300 rubloŭ za pajezdku.
Haradskija ŭłady prapanujuć zrabić prajezd u mietro daražejšym za prajezd u naziemnym transparcie, ale pakul rašeńnie pa hetym pytańni nie pryniata.
Ciapier čytajuć
«Zasiarodžusia na pracy z ZŠA». Cichanoŭski raskazaŭ pra svaje palityčnyja płany na 2026 hod41
Kamientary