Płanieta Mierkuryj — jak žalezny apielsin

Płanieta Mierkuryj vyjaviłasia nie takoj, jakoj jaje raniej sabie ŭjaŭlali navukoŭcy: jana maje vialikaje žaleznaje jadro ​​i jašče niadaŭna žyła aktyŭnym tektaničnym žyćciom.

Heta nijak nie viažacca ź ciapierašnimi pohladami na evalucyju płaniety. Mnohija ličyli raniej, što Mierkuryj pavinien być padobny da Miesiaca, što z-za maleńkaha pamieru jon astyŭ vielmi chutka, u samym pačatku historyi Soniečnaj sistemy, i vialikuju častku svajoj historyi byŭ miortvaj płanietaj.

Adnak kratary, jakija ŭźnikli na jaho pavierchni z-za asteroidnych udaraŭ, kažuć pra advarotnaje. Składajučy kartu hetych krataraŭ z dapamohaj łaziernych vymiareńniaŭ, kamanda daślednikaŭ na čale z doktaram Maryjaj Cubier z Masačusieckaha technałahičnaha instytuta zaŭvažyła, što ich forma skažonaja: ŭnutranyja pracesy «padniali» ich dno. A 

ŭ samaha vialikaha mierkuryjanskaha impaktnaha (heta značyć utvoranaha ŭ vyniku sutyknieńnia ź mietearytam) kratara, Kałorys, z dyjamietram u paŭtary tysiačy kiłamietraŭ, dno navat uźniałosia nad jaho bakami.

Heta śviedčyć pra toje, što jašče doŭhi čas paśla ŭsich sutyknieńniaŭ Mierkuryj žyŭ aktyŭnym tektaničnym žyćciom.

Druhi siurpryz nie mienš dziŭny. Navukoŭcy vyjavili, što ŭnutranaja

struktura Mierkuryja mocna adroźnivajecca ad ziamnoj ci marsijanskaj.

Pa-pieršaje,

heta adroźnieńnie tyčycca jaho jadra. Jano ​​ŭ jaho niezvyčajna vialikaje i amal całkam — z žaleza. Jaho radyus składaje kala 85% ad radyusu płaniety, pryčym, jak ličać navukoŭcy, usiaredzinie jadra žaleza da hetaha času vadkaje.

Faktyčna Mierkuryj padobny na apielsin z tonkaj skarynkaj, tolki skarynka hetaja nadziva ščylnaja.

Sprabujučy patłumačyć hetuju niečakanuju ščylnaść, navukoŭcy vykazali zdahadku, što

jadro ​​Mierkuryja zapakavanaje ŭ abałonku z sulfidu žaleza. Hety płast, u svaju čarhu, atočany tonkaj mantyjaj, a taja nakrytaja dvuma sotniami kiłamietraŭ kremnijevaha skalnaha hruntu.

Najaŭnaść takoha niezvyčajnaha sierna-žaleznaha płasta tłumačyć, darečy, niezvyčajna słaboje mahnitnaje pole Mierkuryja. Pry takoj kolkaści žaleza jano mahło b być i bolšym. Mahnitnaje pole ŭ płaniet vyklikajecca rucham žaleznych masaŭ usiaredzinie jadra, adnak kali jadro ​​atočanaje toŭstym płastom elektrapravodnaha sulfidu žaleza, toki, jakija ŭźnikajuć u hetym płaście, buduć častkova ekranavać heta mahnitnaje pole.

• 0
• 0
• 0
• 0
• 0
• 0
• 0
• 0