Meryja Varšavy acenzuravała płakaty kancerta «Salidarnyja ź Biełaruśsiu»
U niadzielu ŭ Varšavie projdzie vialiki kancert salidarnaści ź Biełaruśsiu. Na im vystupiać polskija i biełaruskija zorki. Płakaty z rekłamaj imprezy visiać pa ŭsim horadzie, ale na kožnym ź ich bačny zaklejeny papieraj frahmient z nadpisam «Solidarni z»,paviedamlaje Gazeta Wyborcza.
Pieršapačatkova na płakacie byŭ nadpis: «22 krasavika Polšča budzie druhoj Biełaruśsiu». Meryja Varšavy, jakaja źjaŭlajecca adnym sa sponsaraŭ kancertu, nie pahadziłasia, kab plakaty z takim nadpisam reklamavali imprezu. Tady čalcy inicyjatyvy «Wolna Białoruś" zrabili naklejki z nadpisam «solidarna z», kab zakleić niepažadanaje słova «drugą».
Aŭtary płakatu kažuć, što svajoj idejaj chacieli pakazać palakam, što dyktatura heta nie prydumka, a realnaść, jakaja isnuje za polskaj miažoj. Aprača taho, svoj tvorčy palot jany matyvujuć pryjezdam biełaruskich zorak, prysutnaść jakich zrobić Varšavu druhoj Biełaruśsiu.
Kamientary