Travu dla praśpiekta, dzie jeździć Łukašenka, pryvoziać z-za miažy
Pierasiavać jaje štohod kaštuje bolš za 20 tysiač dalaraŭ!
Na sustrečy z premjeram Miaśnikovičam Alaksandr Łukašenka ździviŭsia: «Navošta z hetaj raździalalnaj pałasy kožny hod vymać hrunt na paŭmietra, paśla na heta samaje miesca zavozić novy hrunt, siejuć travu, ukryvać plonkaj? Navošta? Tam trava samaja zialonaja, nidzie takoj zialonaj travy ja nie bačyŭ, jak na hetym hazonie. Nie, treba ŭsio heta kałupać… 10 MAZaŭ staić, 3 pahruzčyki ź dziesiacikubovym kaŭšom i čort viedaje kolki techniki. A heta ž vydatki…»
Čamu travu na praśpiekcie, dzie jeździć Łukašenka, mianiajuć kožny hod? Heta pytańnie Jeŭraradyjozadała śpiecyjalistam ź Minzielenbudu.
«A jak vy dumajecie – čamu?», – pytańniem na pytańnie adkazvaje hałoŭny inžynier «Zielenbuda» Centralnaha rajona. Da hetaha rajona adnosicca ŭčastak, dzie kožny dzień prajazdžaje kiraŭnik krainy.
Jak daviedałasia Jeŭraradyjo, pasiejać hazon na raździalalnaj pałasie pa praśpiekcie Pieramožcaŭ kaštuje bolš za 20 tysiač dalaraŭ…
Zielenbud: Skažam tak – doraha. Vielmi doraha.
Jeŭraradyjo: Kožny taki kavałak budzie doraha zasiejać?
Zielenbud: Nie, nu nie kožny… Hledziačy, jakaja trava. Kali heta hazon-zvyčajny… Ale taja terytoryja, što vas cikavić, tam zusim inšaja technałohija – tam doraha. Tut prybirajecca stary hrunt, zavozicca novy, nakryvajecca ŭsio heta… Tam uzmocnienyja pasievy, častkova, mahčyma, navat uhnajeńni ŭnosiać, plus – tam heta ŭsia sprava ŭkryvajecca bondam, palivajecca. I navat trava pa praśpiekcie Pieramožcaŭ – taksama niezvyčajnaja!
Zielenbud: «Zvyčajnaja – heta naša, jakaja ŭ nas vyroščvajecca. A tam u lubym razie trava impartnaja. To bok – dobraj jakaści, a nie toje, što ŭ nas vyrablajecca».
Pa słovach śpiecyjalista, kab zasiejać 100 mietraŭ kvadratnych zvyčajnaha hazonu, spatrebicca minimum adzin miljon 700 tysiač!
Zielenbud: «Usio zaležyć ad taho, jakaja ziamla – ci treba tudy štości ŭnosić… Miljon siemsot – heta biez uhnajeńniaŭ, prosta padvieźci ziamli, pasieŭ…»
«Huhłmeps» pakazvaje, što praciahłaść zialonaj raździalalnaj pałasy pa praśpiekcie Pieramožcaŭ – 5,6 kiłamietraŭ. Šyrynia – kala paŭtara mietraŭ. Vyličvajem płošču – 5600m * 1,5m = 8400 mietraŭ kvadratnych. Dzielim na 100 i pamnažajem na miljon siemsot. 168 miljonaŭ abo 21 tysiača dalaraŭ(!) kaštuje zasadzić travoj zvyčajny hazon.
A tut, vidać, budzie i taho bolej.
Cikava, što mianiać zvyčajny hazon kožny hod – takoj patreby sapraŭdy niama, tłumačyć hałoŭny inžynier:
«Zvyčajny hazon, kali jaho nie vytoptvajuć, to jon narmalna… i nie adzin hod raście. Kali jon naŭmysna nie paškodžvajecca, to narmalna ŭsio. Zvyčajnaja trava! Što tut kazać… Raście, dyj usio».
Što trava na praśpiekcie – niezvyčajnaja, zrazumieła. Jaje viazuć z-za miažy.
Ale adkul mienavita, u Minsku nie kažuć, tamu zvaniu ŭ Hrodna, u miascovy Zielenbud. Tam kažuć, što zavoziać travu zvyčajna z Hałandyi… Byvaje jašče – z Polščy.
«Aryjencirovačny košt na impartnuju travu kala 50 tysiač za kiłahram. Chapaje na 40 kvadratnych mietraŭ. U asnoŭnym – Polšča-Hałandyja idzie», – kaža supracoŭnica Zielenbudu.
Takim čynam, kab zasiejać raździalalnuju pałasu pa praśpiekcie Pieramožcaŭ, adno nasieńnie z Hałandyi budzie kaštavać bolš za 10 miljonaŭ… Biez pracy!
Kamientary