Raskosmas prapanavaŭ rasstrelvać asteroidy ź ionnych harmat
Raskosmas prapanavaŭ pašyryć sposaby ŭździejańnia na patencyjna niebiaśpiečnyja dla Ziamli asteroidy i kamiety.
Namieśnik kiraŭnika viedamstva Vital Davydaŭ adznačyŭ, što isnuje nieabchodnaść stvareńnia i adpracoŭki ŭ kosmasie roznych srodkaŭ uździejańnia na patencyjna niebiaśpiečnyja niabiesnyja cieły. Davydaŭ zajaviŭ, što heta moža być mahutnaje impulsnaje i słaboje doŭhačasovaje ŭździejańnie.
U jakaści mahčymych sposabaŭ uździejańnia na niebiaśpiečnyja niabiesnyja cieły razhladajuć termajadzierny vybuch u niepasrednaj blizkaści da abjekta abo na jaho pavierchni, uździejańnie na pavierchniu asteroidaŭ abo kamiet łaziernym vypramieńvańniem, ionnaj ci elektronnaj harmataj albo hravitacyjnym pryciahnieńniem blizka raźmieščanaha štučnaha abjekta.
Pavodle słovaŭ Davydava, dla patencyjna niebiaśpiečnych asteroidaŭ nieabchodna taksama płanavać daśledčyja misii. Ich metaj stanie ŭdakładnieńnie pamieraŭ i charaktarystyk arbit niabiesnych ciełaŭ, vyznačeńnie ich składu, źmiena trajektoryj abjektaŭ.
Namieśnik kiraŭnika Raskosmasa adznačyŭ, što
zhadanyja srodki ŭździejańnia mohuć usprymacca inšymi krainami jak srodki dvajnoha pryznačeńnia.«Tamu ich stvareńnie ŭ asobnych krainach u ramkach nacyjanalnych prajektaŭ z vysokaj imaviernaściu zdolnaje pryvieści da dalejšaha rostu napružanaści, da eskałacyi honki ŭzbrajeńniaŭ u kosmasie", - ličyć Davydaŭ.
Nivodnaha minskaha, homielskaha, italjanskaha ci francuzskaha. Zatoje ŭ Mahilovie budujuć užo čaćviorty rasijski dvoryk, hetym razam — ź miadźviedziem1313
Kamientary