ANT, 16.35
Navošta pieražyło ciabie kachańnie majo… (Začiem pieriežiła tiebia lubov moja…)
Rasieja, 2007, kalarovy, 52 chv.
Aŭtarka scenaru j režyserka: Lilija Ŭiuhina
Žanr: Dakumentalna bijahrafičny film
Karcina pra trahičny los Elema Klimava i Łarysy Šapićki. Ich nazyvali samaj pryhožaj režyserskaj paraj i počastu prymali za brata j siastru, tak jany byli padobnyja. Ale šče bolej ich jadnała ščyraja zacikaŭlenaść u tvorčaści adzin adnaho. Elem dapamahaŭ Łarysie ŭ pracy nad pieršaj karcinaj i zaviaršaŭ apošni. Łarysa zahinuła ŭ aŭtakatastrofie, kali joj było 41 hod. Elem Klimaŭ pieražyŭ jaje na čverć vieku j bolej nikoli nie ažaniŭsia…
Łarysa Šapićka źniała ŭsiaho čatyry filmy, ale jejnaje “Ŭzychodžańnie”, pastaŭlenaje pavodle “Sotnikava” Vasila Bykava – vajšło ŭ skarbonku suśvietnaha kinamastactva. Elem Klimaŭ – aŭtar šaści stužak – i mienavita jahony “Idzi j hladzi” ŭzhadvajuć na Zachadzie, jak uzor biełaruskaha kino.
Pra Elema Klimava j Łarysu Šapićku raspaviadajuć Hleb Panfiłaŭ, Ina Čurykava, Alaksiej Piatrenka, Alaksiej Kraŭčanka, Uładzimier Haściuchin, Viačasłaŭ Zajcaŭ, Anton Klimaŭ.
