U Kamiennym Łohu staić 950 hruzavikoŭ: litoŭskija pamiežniki bastujuć
Situacyja ŭ punktach propusku na biełaruska-litoŭskaj miažy zastajecca napružanaj
Situacyja ŭ punktach propusku na biełaruska-litoŭskaj miažy, dzie napiaredadni praktyčna byŭ paralizavany ruch i ŭźnikli značnyja čerhi, praciahvaje zastavacca napružanaj. Pryčynaj hetaha, jak paviedamili ŭ biełaruskim pahranviedamstvie, stała zabastoŭka litoŭskich słužačych, jakija značna źnizili intensiŭnaść propusku hramadzian i transpartnych srodkaŭ.
29 krasavika na kožnym z pahraničnych punktaŭ — «Bieniakoni», «Katłoŭka», «Kamienny Łoh» — ź biełaruskaha boku ŭ čarzie znachodziłasia da 150 lehkavych aŭtamašyn. U hety dzień Dziaržpahrankamitet Biełarusi rekamiendavaŭ hramadzianam ustrymacca ad pajezdak u Litvu.
30 krasavika situacyja krychu źmianiłasia. Pavodle źviestak na 8.00 čarhi na vyjezd u Litvu ŭ «Bieniakoniach» nie było, u «Katłoŭcy» stajali 10 lehkavych aŭtamabilaŭ, u «Kamiennym Łohu» — 100.Pry hetym značna pavialičylisia čerhi hruzavoha aŭtatranspartu: u «Katłoŭcy» — 510 aŭtamašyn, u «Kamiennym Łohu» — 950, u «Bieniakoniach» — 420, u «Pryvałcy» — 550.
Miarkujučy pa źviestkach Dziaržpahrankamiteta Biełarusi, častka hramadzian, jakija sprabavali napiaredadni ŭjechać u ES praź Litvu, prysłuchałasia da zakliku pamiežnikaŭ i nakiravałasia ŭ bok biełaruska-polskaj miažy. Ranicaj 30 krasavika ŭ «Bruzhach» vyjezdu ź Biełarusi čakali 180 lehkavych aŭtamabilaŭ, u «Brest-Ciarespali» — 150, u «Bierastavicy» — 70, u «Damačava» — 50. 29 krasavika čerhi ŭ hetych punktach propusku byli mienšyja.
Ciapier čytajuć
Nivodnaha minskaha, homielskaha, italjanskaha ci francuzskaha. Zatoje ŭ Mahilovie budujuć užo čaćviorty rasijski dvoryk, hetym razam — ź miadźviedziem1212
Kamientary